NOELIA E CRISTINA - RELATOS COAS PORTADAS

Noelia e Cristina enviaron tamén os seus relatos feitos coas portadas de libros. Moi bonitos e sen esquecer a expresión oral en galego, diso se trataba!

CLAUDIA - RELATO PORTADAS

Claudia tiña un problema: como ten tantos libros, costáballe un pouco decidir cales usar. Pero conseguiuno e aquí está o magnífico resultado.

SEIL - RELATO PORTADAS

Outro relato máis, feito coas portadas dos libros. Moi bonito e ben contado.

CRISTINA E NOELIA - CONTOS DESPREGABLES

E siguen chegando traballos. Nesta ocasión Noelia e Cristina fixeron os seus contos despregables e aproveitan para contalos. Moi ben, chicas!

RELATOS ÁLEX VARELA

Álex preséntanos 4 relatos!

RELATO ANDREA

E seguimos con máis aportacións, unha riqueza ver todos os vosos traballos!

RELATOS SARA MALLO

Sara fixo dous relatos con algúns dos seus libros. Imos vendo que esta sinxela actividade resultou motivadora e facilita a creatividade.

RELATO DE ALEJANDRO OTI

Esta é a historia que creou A. Oti con algúns dos libros que, como gran lector que é, ten na súa casa.

A LENDA DE DAFNE E APOLO - ANDREA

O confinamento está facendo que desenvolvamos algunhas capacidades que habitualmente nos costa máis demostar.
É o caso de Andrea, que vai perdendo a timidez diante da cámara ao mesmo tempo que gaña en autoestima e capacidade de expresión e comunicación.
Nesta ocasión preséntanos unha bonita lenda: a de Dafne e Apolo.
Apolo estaba enamorado de Dafne e, cando esta se convertiu nunha árbore (un loureiro), decidiu facer unha corona coas súas follas para que sempre estivera con el.
Bonita historia, non?

RELATO DA PROFE CARMELA

Como en case todo o que vos propoño, eu tamén intento facer a miña aportación. Esperando que cheguen moitos outros, porque vós sodes moi artistas.

ALEJANDRO OTI - EXPERIMENTO CASEIRO

Alejandro Oti fixo esta experiencia caseira na que comprobamos que non sempre se poden mesturar diferentes tipos de materia: o aceite é menos denso e queda na superficie da auga; sin embargo a area é moito máis densa e vai para o fondo.

ÁLEX SEOANE - UNHA HISTORIA COS TÍTULOS DE MOITOS LIBROS

Un dos retos desta semana é crear un relato usando os títulos dos libros que temos pola casa. Aquí temos unha magnífica mostra do que se pode facer. Preciosa historia, Álex!

EMPEZAMOS CO STOPMOTION: CORONAVIRUS

Crear sensación de movemento a partir de fotografías: iso é basicamente a técnica do stopmotion.

Lara elaborou, en familia, unha historia moi bonita que fala da pandemia provocada por esete virus. Magnífico!

RESISTIREMOOOS: AGASALLO PARA OS NOSOS PEQUES

Hoxe ides poder saír por primeira vez despois de estar seis semanas na casa; seguro que será un día moi especial.
E, para completar a ledicia, deixámosvos este vídeo que fixemos especialmente para vós.

ANDREA FIXO PLASTILINA CASEIRA

Esta semana andamos argallando na vida e obra de Maruja Mallo (actividade proposta pola profe Luz).
Unha das propostas artísticas era traballar a "escultura" utilizando plastilina e facéndoa na casa (actividade que collemos prestada do blog de Ed. Infantil).

RESISTIRÉ - ÁLEX VARELA

Cantar e bailar non é nada, nada fácil. Moitas veces vemos aos artistas facendo coreografías imposibles e a voz sigue perfecta... Iso é porque fan playback.
Pois aquí o noso compañeiro que preparou esta coreografía con voz en directo. Moi ben Álex!

OS DRAGÓNS DE ÁLEX VARELA

Está claro que a Álex deulle por facer dragóns durante o confinamento e, como dure isto moito tempo, non lle van caber na casa. Mirade que chulos!

CONTACONTOS ALEJANDRO OTI - UNHA AVENTURA NA ESCOLA

Seguimos dinamizando a lingua. Alejandro Oti cóntanos "Unha aventura na escola", de Isabel Magalhaes.
Como bo lector que é sabe facer un resumo moi claro do libro por se a algún/ algunha de vós vos apetece lelo noutro momento.
Grazas por compartilo!

CIENCIA NA CASA: A DENSIDADE DA MATERIA

Álex Seoane está intentando aprender un pouco máis sobre a materiae facéndoo coa práctica. Neste vídeo explícanos moi ben o concepto de densidade.
Cando temos dous obxectos do mesmo tamaño (ocupan o mesmo volume) terá maior densidade o que pesa máis (ten máis masa).
Que vos parece:
Ten máis densidade o papel ou o ferro?
Ten máis densidade a area ou a auga?
Déixovos unha ligazón na que tedes actividades para aprender e experimentar un pouco  máis:
Actividades ciencia para nenos e nenas

DÍA DO LIBRO - ENIA E CLOE BUSCAN A SEU CURMÁN

Hoxe celebramos o Día do Libro con moooita lectura. No blog de orientación podedes atopar contos contados por diferentes profes do cole; gustaránvos moito.

Pero nós tamén contamos e hoxe publicamos a 2ª parte do Conto de Cloe e Enia escrito e ilustrado por Álex Varela, Andrea, Ailén, Iago e Claudia.

PIZZA CASEIRA - ÁLEX VARELA

Agora xa sabemos o motivo de que a fariña e o lévedo se agote nas tendas: todo mundo amasando na casa!
Aquí temos outra receita máis de pizza; diferente ás outras e con ingredientes para non quedar con fame!

AS TAREFAS DA CASA - ÁLEX VARELA

Tan importante coma facer tarefas escolares. É un bo momento para adxudicar resposabilidades e Álex Varela ten que ter o seu cuarto ordenado e limpo. Neste vídeo queda demostrado que está perfecto. A seguir así!

DÍA INTERNACIONAL DO LIBRO - 23 DE ABRIL

O día 23 de abril conmemórase o Día Internacional do Libro para fomentar a lectura. E, xa que nestes días tempo hai para gozar da compañía dos libros, animávosvos a que compartades as vosas lecturas con nós (podedes enviar fotos no voso rincón de lectura preferido, comentarios aquí mesmo recomendando algún libro...)

Déixovos a ligazón ao blog de Orientación do noso cole no que poderedes ver as sesións diarias de contacontos que se van publicando. Tamén tendes un acceso directo desde a parte dereita do noso propio blog.

Este é o libro que acabo de rematar eu; gocei moito da súa lectura que me trasladou a aun tranquilo pobo británico a principios do século pasado. Sen dúbida unha evasión no tempo de confinamento.

PIZZA CASEIRA 100%: MARTINA E ÁLEX

O proceso de elaboración da masa resulta moi interesante para estudar a transformación da materia; ese era o obxectivo desta tarefa.
E ademais o cheiro que vai soltando a masa cando fermenta...
E xa non digamos o final... Vaia banquete houbo.
Fixéstelo xenial!

ÁLEX E MARTINA: TARTA DA AVOA

Aquí traballan en parella e así acaban máis rápido e poden axudarse. A tarta da avoa seguro que todos a coñecedes pero... Cadaquén faina ao seu xeito: con crema, con chocolate polo medio, con chocolate por riba, con nata.
Seguro que rica, rica.

RESISTIRÉ: SANTIAGO AND FAMILY

Vemos que resistimos mellor facendo todas as tarefas, da casa e do cole, e ademais con alegría porque... Nunca choveu que non escampara!
Moitas grazas familia pola vosa colaboración.

CLAUDIA - MINIPIZZAS CON PAN DE MOLDE

Esta receita e moi doada de facer e podes elixir moitos ingredientes diferentes. A pinta é boísima Claudia; cociñaches moooi ben!

XEADO DE AMORODOS - ANDREA

Este xeado que fixo Andrea co seu robot de cociña parece moi saudable porque leva moita froita, nada de graxas e pouco azucre. A pinta é boísima. Ademais está moi ben explicado e esforzándose coa lingua galega. Parabéns!

ARROZ CON VERDURAS - ANDREA

Andrea preparou unha comida moi saudable usando un robot de cociña, chamado Thermomix, que parece facilitar moito o proceso de cociñar.
Pero tamén explica todo o proceso como unha auténtica profesional. Parabéns por este fantástico traballo!

NOELIA E CRISTINA NA COCIÑA

Cristina e Noelia preséntannos 3 receitas: Mona de Pascua, pedras de Santiago e galletas de avea con plátano e chocolate. Non vos perdades nada pero, sobre todo, a espectacularidade da mona de Pascua con forma de tren!
Moitas grazas familia!

TARTA DE MAZÁ - LARA

Quen se apunta a facela? Parece bastante doado e ademais aquí queda a receita e as imaxes do proceso; quen teña dúbidas que lle pregunte á chef Lara.

RESISTIRÉ - CRISTINA E NOELIA

A pesar do confinamento, non lles falta enerxía a estas dúas; con cambios de vestiario e todo. A topeeee!

ENIA E CLOE - 1ª PARTE

Traballar en equipo na distancia é posible; aquí tedes a primeira entrega do conto en cadea que fixemos coas aportacións de todo o alumnado de 5º A.
Como é un pouco longo e ademais para crear un pouco de expectación vai a primeira parte, feita por Joel, Lara, Cristina, Noelia, Álex Seoane e Seil.

  

COCIÑA NA CASA - Nº1 - MARQUESA DE AMÉNDOA

Empezamos coas achegas desta semana: santiago foi o primeiro en poñerse a cociñar e a elaborar esta tarta: "Marquesa de améndoa".
Coa axuda de súa irmá e súa nai fixeron este vídeo para compartir con todos nós. Ten unha pinta boísima e non parece difícil. Iso sí, coidado co azucre que despois non van servirnos os pantalóns!

CARMELA TAMÉN RESISTIRÁ

Sempre me encantou comprobar por min mesma o que pido para a rapazada. E esta é unha desas ocasións en que te das conta de que non era tan doado facelo; aínda así mereceu a pena.

Anímovos, valentes, a que o fagades tamén. E, en familia, moito mellor!

CONTO DESPREGABLE ÁLEX SEOANE

E seguimos publicando as aportacións do alumnado de 5ºA. Un novo conto despregable, feito con moitísimo mimo e presentado así de ben. Fermosísimo.

OH NA NA NA - A FAMILIA PORTOS NA CORENTENA

Estas familias están que non paran e van contaxiando o seu entusiasmo aos demais; iso é unha boa terapia para manternos unidos como grupo aínda que sexa a distancia.

O reto para esta semana e ver quenes son capaces de facer un pouquiño deste baile que precisa dunha enorme coordinación de movementos.

Parabéns por facelo tan ben e por compartilo con nós!

BOTÁMOSVOS DE MENOS

Esta presentación está feita por persoas que traballamos no cole e adicada a todo o resto da comunidade educativa: a vós, peques, porque estades a facelo moooooi ben e a vós, familias porque estades contribuindo a que todo vai o mellor dentro do difícil.
Ánimo, xa queda menos!

RESISTIRÉ: FAMILIA SEOANE MÍGUEZ AO COMPLETO!

Vaia familia rockeira! Os artistas en primeira liña e os axudantes detrás. E a posta en escea estupenda!

CONTO DESPREGABLE - PARTE 1

Outra actividade interesante para tempos de confinamento e que, unha vez máis, o alumnado de 5ºA desenvolve a súa creatividade e o gusto polo artístico.
Estes son os traballos de Claudia, Andrea, Lara e Álex Varela.

RESISTIRÉ - CLAUDIA, MÓNICA E RAMÓN

A familia ao completo quixo participar na iniciativa. Entenderon moi ben que a cousa non vai de artistas senón de manter o ánimo. Fixérono así de ben!

RESISTIREMOS - LARA E SEU PAI, RAMÓN

Empezamos a publicar as versións de "RESISTIRÉ". Esta familia colleu o reto con alegría e fixérono fantástico. Este Ramón non é o do Dúo Dinámico pero dinamismo non lle falta. E Lara unha artistaza!
Irán chegando máis, estade atentos.
E compartimos a idea para que familias doutros cursos se apunten! A que esperades?

PLÁSTICA ÁLEX E MARTINA

Que ben o pasan estes dous facendo estas marabillas.

UNHA FESTA NO CASTELO

Publico agora estes traballos en equipo que rematamos de presentar co tempo xusto. Xa sei que vos gustaría máis ver as transicións bonitas que tiñades feitas nos ipads pero... 

Repasando os traballos de todos os equipos podedes corrixir a ficha que vos enviei.

ART. 6th grade.

Hello kids,

For  art  I want you to watch a video and follow the  instructions.

We are going to learn how to draw a girl football player.

Once you have your art work finished, take a picture and send it to my email address: vitemissana20@gmail.com

While watching the video you can clik on the subtitles and read the information. 
I know that they talk fast.

Click on the link below and get started.

YOU CAN DO IT.

NOELIA: AVENTURAS DE SEU PAI NA ALDEA

Creo que ninguén dubida de que a infancia na aldea permite unha liberdade impensable na cidade. O pai de Noelia e de Cristina aproveitou ben esta circunstancias.
Moi bo traballo e un debuxo mooooi traballado. Precioso, Noelia!

CRISTINA: A LENDA DOS PITIÑOS NO MONTE PEDROSO

O curso pasado descubrimos o interese das lendas e parece que quedaron ganas de máis: a que non sabiades nada destes pitiños que andaban perdidos polo monte Pedroso?
Moi bonita, moi ben contada e con un debuxo fantástico, Cristina!

ANDREA: "O CONTO DO RATIÑO"

Parece que isto de permanecer na casa desperta o mellor de cada un/ unha de vós. Andrea desenvolve a súa mellor faceta na expresión oral ao contarnos este conto, que era o que súa nai lle contaba cando era pequeniña. Parabéns!

ÁLEX VARELA - "O REI ALCE"

Seguimos cos contos do alumnado de 5º A desde as súas casas: Álex Varela contando o conto "O rei alce" desde a súa casa.
Con moita dedicación ao debuxo, aínda que non poidamos velo de cerca, e tamén a contalo.
Grazas por compartilo!

ARCO DA VELLA - ÁLEX E MARTINA

Pero que boa reclusión pasan nesta casa!. Mirade a Álex e a Martina sacando o humor e a creatividade nestas circunstancias difíciles. Moitas grazas tamén ás familias por estas colaboracións que nos animan a todos os demais.
Nunca choveu que non escampara!

CLAUDIA - "O TEU ALIEN"

Claudia, desde a súa casa, tamén quere compartir o seu conto. E espera os vosos comentarios e ánimos polo ben que o fixo!

ALEXANDRA E O UNICORNIO - LARA

Seguimos remexendo nas nosas lembranzas. Hoxe tocoulle a Lara que tén un feixe de expresividade.

"AQUILES, O PUNTIÑO" CONTADO POR ALEJANDRO OTI

Aquí está a primeira colaboración do alumnado de 5º A desde as súas casas: Alejandro Oti contando o conto "Aquiles, o puntiño". 

Como podedes ver fíxoo moooi ben así que espera as vosas opinións e anímavos a que vós tamén participedes.

O coronavirus non vai deixarnos parados!

PROPOSTAS DE AUDICIÓN E LINGUAXE

ACTIVIDADES PARA A CLASE DE BELÉN (AL). DO 16 AO 29 DE MARZO.

-       COMPRENSIÓN LECTORA:

Colle  o libro que esteas lendo e escolle dous capítulos (pode ser un cómic, neste caso escolle dous bloques de 5 páxinas). Agora vas ser ti a profe: tes que inventar 5 preguntas que farías ao teu alumnado sobre ese capítulo (10 en total). 

-       EXPRESIÓN ESCRITA:

Seguro que para a volta ao cole non te vas lembrar de tantas cousas que fixeches! Escríbemo nun diario para poder contarmo. Só precisas nunha libretiña que xa teñas ir poñendo a data e contarme algo guai que fixeras ese día e así compartilo á volta. 

-       EXPRESIÓN ORAL: 

Inventa uns diálogos para a seguinte curta de animación. Se os escribes, mellor! Así poderemos practicalos logo na clase. Pon en youtube: monsterbox, aquí tes a ligazón:  https://www.youtube.com/watch?v=bxPRvKt203U

-       XOGOS COAS LETRAS:

Lembra os xogos que facemos na clase: xogar ao aforcado, palabras encadeadas (por letra ou por sílaba), coller 7 letras e intentar formar todas as palabras posibles,…

-       REPASIÑO:

Se queres facer un repasiño online podes entrar nesta páxina http://www.infantil.librosvivos.net/  e meter o código do teu curso:

2º EP: 132889

3º EP: 113490 ó 116613

4º EP: 113492 ó 116625

5º EP: 120448

·      NOTA PARA AS FAMILIAS: Se precisades máis materiais específicos, queredes máis actividades, recursos TICs ou tendes calquera dúbida, contactade comigo: mariabelensanchezveiga@edu.xunta.gal

Agardo que estedes ben e que nos vexamos moi prontiño! Apertas virtuais!

ACTIVIDADES MÚSICA 5º. SEMANA DO 16 AO 20 DE MARZO

1.- Repasaremos a canción de Treixadura “Se chove” https://www.youtube.com/watch?v=GCltbbXolVQ

Intentade que na casa a escoiten e que aprendan a facer as palmas onde corresponda. Non vos olvidedes de bailar nos fragmentos instrumentais.


2.- Imos ambientar a seguinte paisaxe:

Podemos participar toda a familia. Temos que buscar pola casa obxectos cos que se poidan facer sons para crear efectos sonoros e así dar a sensación de que estamos vendo e escoitando a imaxe. Tamén podemos facer sons coa boca, co corpo,…

4.- Agora traballaremos o ritmo. Temos que facelo sen equivocarnos: https://www.youtube.com/watch?v=vRSJijhRIOs

5.- Por último, vos acordades do ritmo que vimos facer a unha profesora co seu alumno para a marcha Radetzky? Pois agora temos moooito tempo para practicala:https://www.youtube.com/watch?v=C5OREDuZhjM

Espero que as actividades vos gustaran. A semana que ven máis!!!

OBRADOIRO DE COCIÑA: ROSQUILLAS

Este obradoiro é un xeito divertido de traballar a historia, as matemáticas, a lingua... Con este tipo de tarefas non teñen sentido as áreas de coñecemento senón que se produce unha aprendizaxe globalizada e ademais significativa: comprender un texto (a receita) para poder conseguir un produto comestible, facer os cálculos relativos á compra realizada, preparar os ingredientes nas cantidades indicadas, etc.
A experiencia foi magnífica e as rosquillas estaban moooi boas.
Sabiades que este tipo de alimento foi un invento da época romana e popularizouse durante a Idade Media?

ESCONDI-T XOGOS E XOGUETES

O xogo é un dereito e unha necesidade na idade infantil. Tamén é un recurso fantástico para desenvolver múltiples capacidades. Algunhas desas capacidades puxémolas a proba practicando algúns xogos que nos trouxo Sandra, da xoguetería didáctica ESCONDI-T.
Compartimos un tempo moi bonito e... Aínda queda a segunda parte!

A VISITA DE VERO BOQUETE

Aquí quedan as imaxes para o recordo: o traballo feito por todos e asinado pola futbolista, a interesantísima charla que inclúe unha gran dosis de humildade e esforzo e a satisfacción de poder compartir estes momentos.

TELEXORNAL EQUIPO 1

Despois de múltiples problemas coa tecnoloxía publico hoxe o telexornal do equipo 1 que inclúe novas de igualdade e de cine. Magnífico traballo!

NOVEMBRO-DECEMBRO EN 5ºA

Estas son as imaxes dalgunhas actividades feitas desde a última publicación: contos de medo, semana da ciencia en galego, a Tenda dos Laretas, a gravación do telexornal...

TELEXORNAL EQUIPOS 2 E 3

Neste telexornal incluímos o traballo do equipo 2 (formado por Antonio, Sara, Ana, Patricia e Ailén)  e o do equipo 3 (formado por Álex Seoane, Andrea, Claudia e Alejandro Oti).

TELEXORNAL EQUIPO 4

Este é o resultado do traballo deste equipo formado por Joel, Santiago, Noelia e Seil con noticias da actualidade e unha sección de concienciación medioambiental. Moi bo traballo!

Outono na aula de 5ºA

O traballo non deixa tempo para poder publicar a diario pero aquí van algunhas imaxes das actividades que imos facendo. Moitas grazas pola que aportades desde as vosas casas. Estou encantada con tanto entusiasmo de alumnado e familias, facemos un bo equipo!

MERENDA SAUDABLE E MÁIS COUSAS

Esta semana tocou recoller os berros que sementaron (cada equipo a súa plantación); con pan e manteiga ou queixo de untar estaban riquísimos. A opinión é que o verde non está nada mal cando se prepara de xeito divertido así que... seguiremos probando.

E tamén houbo faena de pintura en colaboración con 1º (unha árbore de outono) e unha "catrina" mexicana (representación do día dos mortos) preparando xa o Samaín.

PAN CON COGOMBRO E MENTA

A vida dun centro educativo é moi variada. Isto pódese comprobar con esta pequena mostra de tarefas que fixemos estes días: asaron as castañas que trouxeron, fixeron a primeira visita ao horto que medrou de xeito anárquico (os cogombros, cabaciñas e cabazas invaden todo), disputaron unha animadísima carreira e ademais preparamos os cogombros dun xeito especial (con iogur, maionesa e menta).
Todo provoca curiosidade e aprendizaxe, tamén o traballo máis clásico de aula, que tamén o facemos.

SAÍDAS SETEMBRO: FIC RURAL E DÍA DO DEPORTE

Estas son as imaxes das saídas didácticas que fixemos estes días. Un pouco pasadas por auga pero aínda así sempre teñen o seu proveito.

Comprometidos coa contorna

O alumnado de 6ºEP e a súa titora teñen o compromiso ambiental de recoller todo o residuo plástico que xeremos e tiralo nun dos contedores amarelos cercanos ao cole.
Dende o venres 8M (día da folga, polo que se xerou menos lixo) até onte venres 15M esta foi a cantidade recollida:

Como podemos constatar, a cantidade de envoltorios, botellas, pratos, cubertos dun só uso e demais é brutal. 

E case todo é das merendas do recreo. Entendemos que o cambio mental e a concienciación requiren un esforzo. 

Neste 15M, día onde a mocidade do planeta berrou que "non temos planeta B en caso de catástrofe", mudemos os nosos hábitos e xeremos o menor impacto no noso mundo. 

Porque, efectivamente, non temos un planeta B.

REMATANDO O CURSO

Acábase o tempo de compartir experiencias pero estamos aproveitando a tope.
Hoxe poidemos, por fin, colocar os letreiros das árbores que adoptamos (bidueiro, abeleira, chopo e sabugueiro).
E despois, celebramos os cumples do verán facendo sckeching polo contorna. A pesar das altas temperaturas poidemos gozar da experiencia e rematar xogando as agachadas.

WANGARI MAATHAI

Aquí está, por fin, o tan esperado stopmotion sobre Wangari Maathai feito polo alumnado de Ed. en Valores de 6º.
Parabéns equipazo pola capacidade de planificación, organización e execución do proxecto en cada unha das súas fases.
E tamén por non escoller o camiño máis sinxelo senón o que máis vos apectecía aínda que supuxo todo un reto.
Estou moi orgullosa de telo compartido con vós!

STOPMOTION - ED. EN VALORES

Por fin rematamos o noso proxecto de animación sobre Wangari Maathai.
O alumnado está moi orgulloso do traballo feito, con moitísimo esforzo e colaboración entre todos e todas.
Por iso decidiron non publicalo de momento e facer a  estrea, "a nivel mundial", na xornada de fin de curso.

ELABORACIÓN DE XABRÓN CON ACEITE USADO

Mª José Carbonell, a nai de Rodrigo, estivo onte no cole para a elaboración do xabrón cos aceites que fomos recollendo. Os resultados son óptimos e dentro duns días xa poderán levar unha mostra para a casa; agora mesmo temos os recipientes ben arroupados para que remate o proceso.
E os sobrantes de aceite... ya sabedes que os hai que tirar ao contador axeitado nunca botella de plástico.

Moitas grazas a Mª José pola sua total predisposición a colaborar con nós. E xa van moitas veces!

HORTIÑOS ECOLÓXICOS

Xa sabemos que non poderemos cultivar moita cousa nun anaco de terra tan pequeno pero o traballo que fixemos vai encamiñado a concienciar das posibilidades que todos/as temos para cultivar algo por nós mesmos e sen utilizar produtos químicos. Un xeito de revalorizar a necesidade de coidar o noso entorno, que é o que nos da de comer.

E ademais de facelo con "arte". Puxemos variedade de herbas aromáticas, verduras e hortalizas que teremos que observar, estudar e coidar: espinacas, leitugas, millo doce, apio, estevia, perexil,  xudías, pementos, tomates, ourego, albahaca, menta...

5º de Primaria en Kalandraka

Traballos elaborados polos alumnos de 5º de EP, como resultado dunha xornada de escrita creativa ofertada por Kalandraka Editora.
O noso especial agradecemento a Xosé A. Pérez pola súa inestimable implicación e colaboración.

https://youtu.be/555UYujmj5o

https://youtu.be/vXRPLmwE9vc

https://youtu.be/2MT5S5IWW1o

https://youtu.be/h1bvi1Xkvgo

OS XARDÍNS VERTICAIS XA ESTÁN EN MARCHA!

Estas son as imaxes da plantación que fixemos nos nosos palés! Hoxe non importaron as miñocas ni outros bichos, coas mans metidas na terra, preparando os ocos para as nosas plantas, coordinándonos para facer unha distribución esteticamente bonita...
Pero agota teñen pena porque non van poder coidalas para o ano vindeiro!
Aproveitamos para os agradecementos:
- Á empresa DIYESCA pola donación dos palés.
- Ao concello de Santiago (concellaría de Medioambiente e de Educación) polo asesoramento e colaboración co compós, as plantas, rego, etc.

PARQUE DE BELVÍS

Os de 6º A non tivemos tanta sorte cando fomos a Belvís xa que as condicións metereolóxicas non foron as adecuadas para poder realizar actividades fóra, pero aínda así aprendemos un montón de cousas sobre os espazos verdes da nosa cidade, elaboramos o nosos propio caderno de campo e perdémonos no labirinto. Ao final, regaláronnos un piñeiro para plantalo cando sexa un pouco máis grande. Pasámolo xenial, a pesar das inconveniencias do tempo.

CONTOS Á SOMBRA - DÍA DO LIBRO 2018

Hoxe celebramos o Día do Libro cunha actividade de centro cuxo nome fala por sí mesmo: CONTOS Á SOMBRA.
Nós estivemos debaixo das árbores do parque do Auditorio, un lugar marabilloso para gozar da lectura.
Na próxima ocasión haberá que avisar a todas as criaturas animais do entorno para que marchen cando vaiamos nós!

EDUCACIÓN VIAL NO PARQUE INFANTIL DE TRÁFICO

Esta actividade na que participamos onte no recinto feiral de Amio resultou moi interesante e o alumnado puido comprobar a importancia do respeto polas normas de circulación establecidas para evitar accidentes: pasós de peóns, semáforos, ceda o paso, stop, dirección obrigatoria, rotondas...  Todo isto non resulta nada doado e por iso houbo bastantes "infraccións" anotadas polo alumnado que facía ese labor.

A ÁRBORE URBANA

No parque de Belvís pasamos unha mañá realizando actividades de sensibilización ambiental, neste caso en relación coas árbores que temos na cidade, os distintos tipos de zona veredes e o papel que teñen na nosa vida.

PEQUENOS XORNALISTAS

No 2º trimestre, os alumnos/as de 6º elaboramos un xornal, dirixidos pola nosa profe de prácticas, Andrea. Dividímonos en equipos e en cada un había un redactor-xefe, un editor, un maquetador e un secretario. Tiñamos que escribir un artigo de opinión, algunha noticia, pasatempos e anuncios. O obxectivo deste traballo era aprender a redactar distintos tipos de textos e coñecer a estrutura dun xornal. Traballamos moi duro, pero pasámolo moi ben. Grazas, Andrea. Deixámosvos os enlaces para que poidades ver o resultado.

https://es.slideshare.net/secret/hwY9mdrL1kSv17

https://es.slideshare.net/secret/8iqXmBVY8hJQNY

DESPEDIDA DE ANDREA E NEREA

Remataron o período de prácticas e teñen que voltar á facultade de Ciencias da Educación para rematar os seus estudos. Nerea e Andrea involucráronse a fondo no traballo diario, levaron á práctica as súas propias unidades didácticas e din que aprenderon moito. Todas e todos nós estivemos encantados co seu esforzo e dedicación. Por iso a festa de despedida que prepararon foi moi emotiva. 

Desexámoslles moita sorte, merécena!

OBRADOIRO AUDIVISUAL

O venres tivemos unha actividade interesante de preparación para a actividade de exhibición audiovisual do vindeiro luns ao Auditorio de Galicia baixo o título "Elas bravas!", referente á participación feminina no cine (actrices, productoras, directoras, etc.).

O MACETEIRO DE MÓNICA

Mónica trouxo a botella para preparar a súa plantación no cole: Seguíu todos os pasos: abrir pola parte superior, buratos no fondo, pedriñas para drenaxe, terra e... a plantar. Dentro de pouco teremos unhas bonitas margaritas.

A IDADE CONTEMPORÁNEA - PARTE I

Rematamos o traballo da 1ª parte da Idade Contemporánea. Deixo dúas mostras dos contos elaborados polo alumnado. Todos fixeron un magnífico traballo que servíu para fixar mellor os coñecementos.

A COCIÑA - VÍDEOS

Estes vídeos, aínda que son poucos merecen a pena para ver como se desenvolve este persoal traballando en equipo e ben coordinados.
E, unha vez máis, contamos coa axuda de María Gigirey, sempre disposta a colaborar. Moitas grazas.
Un pracer, nenos e nenas, ver a evolución ao longo destes anos!

RETOS DE COCIÑA - 6ºA

Os de 6ºA tamén prepararon as súas receitas pero... no medio da sesión viñeron a arranxar a cociña nova e, mentres tanto non podíamos utilizar o forno, aínda que funcionaba moi ben.
Quedou o tempo xustiño pero poidemos degustar pizzas sen gluten, pasteliños de guayaba, milfollas de Nutella e "ramen", prato xaponés de fideos.
Todo estaba riquísimo!

RETOS DE COCIÑA - 6ºB

Cada equipo puido escoller entre varias opcións. Despois tuveron que buscar unha receita, conseguir os ingredientes e levala á práctica.
O xurado composto por Andrea e Nerea (alumnas de prácticas), Luisa, Carmela e todos os compañeiros/as de clase decidiu que a proba superouse con grande éxito.
Nesta clase os pratos elixidos foron: albóndigas, "churros" chinos e canelóns.
Como o reto forma parte da actividade de recunchos e había un equipo que non o elixira... Hoxe tiveron que cociñar por sorpresa, buscando ingredientes que había na cociña vella ou algo prestado. O  inicio foi duro pero Sara Míguez, Bruno e Brais Portos souberon buscarse a vida e fixeron unhas tortiñas ben ricas.
Parabéns para todo o alumnado de 6ºB por este gran traballo!

CLASE DE HISTORIA CON 3ºA

Hoxe tivemos una clase magnífica na que o alumnado de 6º explicou aos seus compañeiros e compañeiras de 3ºA a evolución da humanidade a través da liña do tempo traballada. Os profes de hoxe foron Iria, Yago, Diego e Chano. A súa intervención propiciou moito intercambio de coñecementos entre maiores e pequenos. Seguro que haberá máis oportunidades.

ACTIVIDADES DE AULA - FEBREIRO 18

A nosa aula ferve de actividade constantemente. Isto é unha mostra do que estamos a facer en Sociais para aprender un pouco máis de Historia e tamén das clases de Educación en Valores nas que estamos iniciando unha presentación dixital sobre Wangari Maathai.

PAPEL DE CORES

Hoxe fixemos a última tanda de papel reciclado. Parte do traballo veunos feito en forma de donativo: a nai de Manuel mandounos unha boa cantidade de papel triturado do instituto no que traballa.Como era moi branco, déuselles por experimentar botándolle témpera de  cores.
Dentro duns días xa estará seco e poderán darlle unha nova vida. Seguro que sairán uns traballos ben orixinais!

ENTROIDO 2018

Foron unhas datas moi bonitas deseñando e elaborando os nosos propios disfraces. Quedaron preciosos e, sobre todo, aprendemos a reducir consumos excesivos e valorar o que facemos coas nosas mans. O Planeta agradeceranos estes xestos.

Deixóvos as imaxes dun día moi divertido.

Grazas a todas as familias pola vosa participación e implicación nos días anteriores e na propia festa.

ACTIVIDADES VARIAS NO 2º TRIMESTRE

Por falta de tempo non publiquei no seu momento estas imaxes que deixan constancia dalgunhas actividades que imos facendo: plantación de pinos que deixou o Apalpador, preparación de disfraces para o Entroido, elaboración de papel reciclado, inicio dos traballos para os xardíns verticais cos palés, plantación de espinacas para transplantar posteriormente...

Xa vedes que aproveitamos moi ben o tempo!

DÍA ESCOLAR POLA PAZ E A NON VIOLENCIA

Este mes adicamos moito tempo a reflexionar sobre a paz na súa máis ampla dimensión. Intercambiamos opinións e concluímos que, desde a nosa posición de nenos e nenas, temos moito que facer para contribuír á paz.

Hoxe puidemos expresar as nosas ideas ao respecto no salón de plenos do concello (Nova publicada na web do concello), compartindo espazo e debate co alcalde, o concelleiro de educación e outros membros da corporación.

O ACEITE, UN RESIDUO MOI PERXUDICIAL

Onte tivemos unha actividade de sensibilización moi interesante a cargo de Beatriz Seoane de Compostela Inserta, empresa de inserción social sen ánimo de lucro.
Con ela reflexionamos sobre o dano que facemos cada vez que tiramos aceite polo fregadeiro. Sabedes que 1l de aceite usado contamina 40.000l de auga? Sabedes que esa é a cantidade de auga que consume unha persoa durante todo un ano?

Nos nosos domicilios podemos ir baleirando os restos de aceite usado (incluído o das latas de conserva)   nunha botella transparente e despois depositar a botella nun colector laranxa (témolo no Centro sociocultural e tamén no patio do colexio). Con ese aceite fabricarase un combustible chamado biodiesel.

Desde aquí animámosvos a colaborar. Entre todos/as podemos conseguir mellorar a saúde do noso entorno.

NADAL 17

Isto é un resumo das actividades coas que rematamos trimestre. Grazas pola vosa participación.
Os nosos mellores desexos para o ano que empeza.

ACTIVIDADES CIENCIA 2017

Este ano as actividades que fixemos estiveron centradas en visualizar os problemas que as accións do ser humano provocan no entorno: os efectos dos verquidos do petróleo, a contaminación do aire, o uso excesivo de plásticos e as súas consecuencias, etc.
Tamén poideron comprobar de reducir o consumo, neste caso fabricando o seu propio pegamento libre de produtos químicos (só con auga e fariña!).