MONICREQUE SEIL

Seil tomouno con calma porque decidiu planificar a tarefa dun xeito máis complexo: fixo o monicreque e tamén o deseño e confección do traxe, elaborou o guión e finalmente, coa axuda familiar, fixeron a gravación. Un magnífico traballo!

IDENTIFICAMOS PAÍSES DO MUNDO

Para poñer en práctica algo do que aprendemos.

SOPA DE LETRAS FIN DE CURSO

Este xogo para os entusiastas desta actividade, dedicado especialmente a Joel.

PASAPALABRA EN EQUIPO

Para rematar o curso propuxemos elaborar as preguntas entre todos/as para poder xogar e rapsar contidos de Ciencias Naturais e Ciencias Sociais. 

Non todas son fáciles de recordar pero seguro que conseguiremos completar o rosco. Xogamos?

MONICREQUE DE CLAUDIA: JIBANYANG

Claudia estaba lendo un manga no seu cuarto cando escoitou que petaban na ventá; entón apareceu un boneco chamado Jibanyang. É un gato vestido de cor vermella que...
Cando vexades o vídeo xa vos enterades do resto da historia.
Seguro que estaredes de acordo en que Claudia fixo un boneco precioso e tamén unha magnífica representación. Parabéns por tantísimo traballo Claudia; é un pracer verte disfrutar tanto con estas actividades ( e a teus pais tamén).

MONICREQUES DE ÁLEX E MARTINA: PEPE E MARUXA

Pepe e Maruxa son os bonecos que fixeron Álex e Martina. Trátase dunha parella que decide ir á praia. Pero cando chegaron alí non estaba moi bo día... Se queredes saber máis só tedes que ver esta representación de monicreques.
Unha vez máis un traballo en equipo moi ben feito. Parabéns para os dous e todo o equipo de produción!

MONICREQUES DE NOELIA E CRISTINA: MAX E VALENTINA

Noelia e Cristina fixeron os seus monicreques e xa os sacaron a pasear. Max e Valentina teñen uns poderes un pouco especiais. Vós escoitastes falar da telequinesia algunha vez? Pois prestade atención ao vídeo. Bo traballo, chicas!

MAX E VALENTINA

MONICREQUE DE SANTIAGO: DOKI

Santiago ten un novo amigo, chamado Doki. Parece que, a pesar de ser un boneco, axúdalle a facer as tarefas escolares. Moi bonita tamén esta historia.  Doki fala moi ben o galego así que Santiago tamén vai mellorando. Parabéns polo esforzo!

MONICREQUE ANDREA: JORGE

Isto xa me deixa atónita: Andrea está convertíndose nunha profesional nas tarefas audiovisuais. Nesta ocasión practica casi a ventriloquía para facerlle falar ao seu boneco Jorge. Fantástico Andrea, moitos parabéns!

MONICREQUES AILÉN E IAGO: LOS JUGUETES DEL BAÚL

Neste traballo Ailén e Iago representan a un neno e unha nena que teñen algunha experiencia cuns bonecos que estaban no baúl dos xoguetes. Quedoulles moi bonito o traballo!

MONICREQUE OTI: PLANT

Plant é unha boneca que estaba perdida na rúa. Se queres saber máis mira este vídeo que elaborou Alejandro Oti, é unha bonita historia. Bo traballo!

MONICREQUE LARA: ABRACITOS

Que historia máis linda sobre o poder magnífico das apertas (algo tan desexado nos tempos actuais). A boneca preciosa e a representación moito máis. Parabéns para Lara e súa nai!

MONICREQUE SARA: PAXARIÑA ROSA

Paxariña Rosa é o nome do monicreque que fixo Sara e aquí representan un diálogo no que descubrimos de onde saíu este personaxe. Fantástico traballo Sara!

STOPMOTION ÁLEX VARELA

Investigar, pensar, probar e corrixir. Con moitas esforzo e entusiasmo van facéndose novas aprendizaxes. Esta actividade non é nada fácil e por iso non tivo tanta aceptación entre o alumnado desde a casa aínda que no cole tiña moito éxito, seguramente porque non dependía ao 100% deles mesmos/as. Moitas grazas Álex por presentar este traballo!

LAIA, A NENA DA ILLA

Alejandro Oti é un gran aficionado á lectura e gústalle compartir un pouquiño dos libros que le para animar aos demais a que  tamén o fagan. Esta semana o título escollido é "Laia, a nena da illa" e ten un axudante moi especial.

ENIA E CLOE - FINAL

E por fin Enia e Cloe participaron no torneo de xadrez.
Parabéns para todos vós que, aínda estando na casa, conseguistes/ conseguimos alimentar e facer medrar a potencialidade do noso gran equipo!

RELATO - PORTADAS SANTIAGO

A aportación de Santiago que, a pesar de ser venezolano, ten libros en galego e vai progresando moito na expresión oral na nosa lingua. Grazas polo esforzo!

NOELIA E CRISTINA - RELATOS COAS PORTADAS

Noelia e Cristina enviaron tamén os seus relatos feitos coas portadas de libros. Moi bonitos e sen esquecer a expresión oral en galego, diso se trataba!

CLAUDIA - RELATO PORTADAS

Claudia tiña un problema: como ten tantos libros, costáballe un pouco decidir cales usar. Pero conseguiuno e aquí está o magnífico resultado.

SEIL - RELATO PORTADAS

Outro relato máis, feito coas portadas dos libros. Moi bonito e ben contado.

CRISTINA E NOELIA - CONTOS DESPREGABLES

E siguen chegando traballos. Nesta ocasión Noelia e Cristina fixeron os seus contos despregables e aproveitan para contalos. Moi ben, chicas!

RELATOS ÁLEX VARELA

Álex preséntanos 4 relatos!

RELATO ANDREA

E seguimos con máis aportacións, unha riqueza ver todos os vosos traballos!

RELATOS SARA MALLO

Sara fixo dous relatos con algúns dos seus libros. Imos vendo que esta sinxela actividade resultou motivadora e facilita a creatividade.

RELATO DE ALEJANDRO OTI

Esta é a historia que creou A. Oti con algúns dos libros que, como gran lector que é, ten na súa casa.

A LENDA DE DAFNE E APOLO - ANDREA

O confinamento está facendo que desenvolvamos algunhas capacidades que habitualmente nos costa máis demostar.
É o caso de Andrea, que vai perdendo a timidez diante da cámara ao mesmo tempo que gaña en autoestima e capacidade de expresión e comunicación.
Nesta ocasión preséntanos unha bonita lenda: a de Dafne e Apolo.
Apolo estaba enamorado de Dafne e, cando esta se convertiu nunha árbore (un loureiro), decidiu facer unha corona coas súas follas para que sempre estivera con el.
Bonita historia, non?

RELATO DA PROFE CARMELA

Como en case todo o que vos propoño, eu tamén intento facer a miña aportación. Esperando que cheguen moitos outros, porque vós sodes moi artistas.

ALEJANDRO OTI - EXPERIMENTO CASEIRO

Alejandro Oti fixo esta experiencia caseira na que comprobamos que non sempre se poden mesturar diferentes tipos de materia: o aceite é menos denso e queda na superficie da auga; sin embargo a area é moito máis densa e vai para o fondo.

ÁLEX SEOANE - UNHA HISTORIA COS TÍTULOS DE MOITOS LIBROS

Un dos retos desta semana é crear un relato usando os títulos dos libros que temos pola casa. Aquí temos unha magnífica mostra do que se pode facer. Preciosa historia, Álex!

EMPEZAMOS CO STOPMOTION: CORONAVIRUS

Crear sensación de movemento a partir de fotografías: iso é basicamente a técnica do stopmotion.

Lara elaborou, en familia, unha historia moi bonita que fala da pandemia provocada por esete virus. Magnífico!

RESISTIREMOOOS: AGASALLO PARA OS NOSOS PEQUES

Hoxe ides poder saír por primeira vez despois de estar seis semanas na casa; seguro que será un día moi especial.
E, para completar a ledicia, deixámosvos este vídeo que fixemos especialmente para vós.

ANDREA FIXO PLASTILINA CASEIRA

Esta semana andamos argallando na vida e obra de Maruja Mallo (actividade proposta pola profe Luz).
Unha das propostas artísticas era traballar a "escultura" utilizando plastilina e facéndoa na casa (actividade que collemos prestada do blog de Ed. Infantil).

RESISTIRÉ - ÁLEX VARELA

Cantar e bailar non é nada, nada fácil. Moitas veces vemos aos artistas facendo coreografías imposibles e a voz sigue perfecta... Iso é porque fan playback.
Pois aquí o noso compañeiro que preparou esta coreografía con voz en directo. Moi ben Álex!

OS DRAGÓNS DE ÁLEX VARELA

Está claro que a Álex deulle por facer dragóns durante o confinamento e, como dure isto moito tempo, non lle van caber na casa. Mirade que chulos!

CONTACONTOS ALEJANDRO OTI - UNHA AVENTURA NA ESCOLA

Seguimos dinamizando a lingua. Alejandro Oti cóntanos "Unha aventura na escola", de Isabel Magalhaes.
Como bo lector que é sabe facer un resumo moi claro do libro por se a algún/ algunha de vós vos apetece lelo noutro momento.
Grazas por compartilo!

CIENCIA NA CASA: A DENSIDADE DA MATERIA

Álex Seoane está intentando aprender un pouco máis sobre a materiae facéndoo coa práctica. Neste vídeo explícanos moi ben o concepto de densidade.
Cando temos dous obxectos do mesmo tamaño (ocupan o mesmo volume) terá maior densidade o que pesa máis (ten máis masa).
Que vos parece:
Ten máis densidade o papel ou o ferro?
Ten máis densidade a area ou a auga?
Déixovos unha ligazón na que tedes actividades para aprender e experimentar un pouco  máis:
Actividades ciencia para nenos e nenas

DÍA DO LIBRO - ENIA E CLOE BUSCAN A SEU CURMÁN

Hoxe celebramos o Día do Libro con moooita lectura. No blog de orientación podedes atopar contos contados por diferentes profes do cole; gustaránvos moito.

Pero nós tamén contamos e hoxe publicamos a 2ª parte do Conto de Cloe e Enia escrito e ilustrado por Álex Varela, Andrea, Ailén, Iago e Claudia.

PIZZA CASEIRA - ÁLEX VARELA

Agora xa sabemos o motivo de que a fariña e o lévedo se agote nas tendas: todo mundo amasando na casa!
Aquí temos outra receita máis de pizza; diferente ás outras e con ingredientes para non quedar con fame!

AS TAREFAS DA CASA - ÁLEX VARELA

Tan importante coma facer tarefas escolares. É un bo momento para adxudicar resposabilidades e Álex Varela ten que ter o seu cuarto ordenado e limpo. Neste vídeo queda demostrado que está perfecto. A seguir así!

DÍA INTERNACIONAL DO LIBRO - 23 DE ABRIL

O día 23 de abril conmemórase o Día Internacional do Libro para fomentar a lectura. E, xa que nestes días tempo hai para gozar da compañía dos libros, animávosvos a que compartades as vosas lecturas con nós (podedes enviar fotos no voso rincón de lectura preferido, comentarios aquí mesmo recomendando algún libro...)

Déixovos a ligazón ao blog de Orientación do noso cole no que poderedes ver as sesións diarias de contacontos que se van publicando. Tamén tendes un acceso directo desde a parte dereita do noso propio blog.

Este é o libro que acabo de rematar eu; gocei moito da súa lectura que me trasladou a aun tranquilo pobo británico a principios do século pasado. Sen dúbida unha evasión no tempo de confinamento.

PIZZA CASEIRA 100%: MARTINA E ÁLEX

O proceso de elaboración da masa resulta moi interesante para estudar a transformación da materia; ese era o obxectivo desta tarefa.
E ademais o cheiro que vai soltando a masa cando fermenta...
E xa non digamos o final... Vaia banquete houbo.
Fixéstelo xenial!

ÁLEX E MARTINA: TARTA DA AVOA

Aquí traballan en parella e así acaban máis rápido e poden axudarse. A tarta da avoa seguro que todos a coñecedes pero... Cadaquén faina ao seu xeito: con crema, con chocolate polo medio, con chocolate por riba, con nata.
Seguro que rica, rica.

RESISTIRÉ: SANTIAGO AND FAMILY

Vemos que resistimos mellor facendo todas as tarefas, da casa e do cole, e ademais con alegría porque... Nunca choveu que non escampara!
Moitas grazas familia pola vosa colaboración.

CLAUDIA - MINIPIZZAS CON PAN DE MOLDE

Esta receita e moi doada de facer e podes elixir moitos ingredientes diferentes. A pinta é boísima Claudia; cociñaches moooi ben!

XEADO DE AMORODOS - ANDREA

Este xeado que fixo Andrea co seu robot de cociña parece moi saudable porque leva moita froita, nada de graxas e pouco azucre. A pinta é boísima. Ademais está moi ben explicado e esforzándose coa lingua galega. Parabéns!

ARROZ CON VERDURAS - ANDREA

Andrea preparou unha comida moi saudable usando un robot de cociña, chamado Thermomix, que parece facilitar moito o proceso de cociñar.
Pero tamén explica todo o proceso como unha auténtica profesional. Parabéns por este fantástico traballo!

NOELIA E CRISTINA NA COCIÑA

Cristina e Noelia preséntannos 3 receitas: Mona de Pascua, pedras de Santiago e galletas de avea con plátano e chocolate. Non vos perdades nada pero, sobre todo, a espectacularidade da mona de Pascua con forma de tren!
Moitas grazas familia!

TARTA DE MAZÁ - LARA

Quen se apunta a facela? Parece bastante doado e ademais aquí queda a receita e as imaxes do proceso; quen teña dúbidas que lle pregunte á chef Lara.

RESISTIRÉ - CRISTINA E NOELIA

A pesar do confinamento, non lles falta enerxía a estas dúas; con cambios de vestiario e todo. A topeeee!

ENIA E CLOE - 1ª PARTE

Traballar en equipo na distancia é posible; aquí tedes a primeira entrega do conto en cadea que fixemos coas aportacións de todo o alumnado de 5º A.
Como é un pouco longo e ademais para crear un pouco de expectación vai a primeira parte, feita por Joel, Lara, Cristina, Noelia, Álex Seoane e Seil.

  

COCIÑA NA CASA - Nº1 - MARQUESA DE AMÉNDOA

Empezamos coas achegas desta semana: santiago foi o primeiro en poñerse a cociñar e a elaborar esta tarta: "Marquesa de améndoa".
Coa axuda de súa irmá e súa nai fixeron este vídeo para compartir con todos nós. Ten unha pinta boísima e non parece difícil. Iso sí, coidado co azucre que despois non van servirnos os pantalóns!

CARMELA TAMÉN RESISTIRÁ

Sempre me encantou comprobar por min mesma o que pido para a rapazada. E esta é unha desas ocasións en que te das conta de que non era tan doado facelo; aínda así mereceu a pena.

Anímovos, valentes, a que o fagades tamén. E, en familia, moito mellor!

CONTO DESPREGABLE ÁLEX SEOANE

E seguimos publicando as aportacións do alumnado de 5ºA. Un novo conto despregable, feito con moitísimo mimo e presentado así de ben. Fermosísimo.

OH NA NA NA - A FAMILIA PORTOS NA CORENTENA

Estas familias están que non paran e van contaxiando o seu entusiasmo aos demais; iso é unha boa terapia para manternos unidos como grupo aínda que sexa a distancia.

O reto para esta semana e ver quenes son capaces de facer un pouquiño deste baile que precisa dunha enorme coordinación de movementos.

Parabéns por facelo tan ben e por compartilo con nós!

BOTÁMOSVOS DE MENOS

Esta presentación está feita por persoas que traballamos no cole e adicada a todo o resto da comunidade educativa: a vós, peques, porque estades a facelo moooooi ben e a vós, familias porque estades contribuindo a que todo vai o mellor dentro do difícil.
Ánimo, xa queda menos!

RESISTIRÉ: FAMILIA SEOANE MÍGUEZ AO COMPLETO!

Vaia familia rockeira! Os artistas en primeira liña e os axudantes detrás. E a posta en escea estupenda!

CONTO DESPREGABLE - PARTE 1

Outra actividade interesante para tempos de confinamento e que, unha vez máis, o alumnado de 5ºA desenvolve a súa creatividade e o gusto polo artístico.
Estes son os traballos de Claudia, Andrea, Lara e Álex Varela.

RESISTIRÉ - CLAUDIA, MÓNICA E RAMÓN

A familia ao completo quixo participar na iniciativa. Entenderon moi ben que a cousa non vai de artistas senón de manter o ánimo. Fixérono así de ben!

RESISTIREMOS - LARA E SEU PAI, RAMÓN

Empezamos a publicar as versións de "RESISTIRÉ". Esta familia colleu o reto con alegría e fixérono fantástico. Este Ramón non é o do Dúo Dinámico pero dinamismo non lle falta. E Lara unha artistaza!
Irán chegando máis, estade atentos.
E compartimos a idea para que familias doutros cursos se apunten! A que esperades?

PLÁSTICA ÁLEX E MARTINA

Que ben o pasan estes dous facendo estas marabillas.

UNHA FESTA NO CASTELO

Publico agora estes traballos en equipo que rematamos de presentar co tempo xusto. Xa sei que vos gustaría máis ver as transicións bonitas que tiñades feitas nos ipads pero... 

Repasando os traballos de todos os equipos podedes corrixir a ficha que vos enviei.

ART. 6th grade.

Hello kids,

For  art  I want you to watch a video and follow the  instructions.

We are going to learn how to draw a girl football player.

Once you have your art work finished, take a picture and send it to my email address: vitemissana20@gmail.com

While watching the video you can clik on the subtitles and read the information. 
I know that they talk fast.

Click on the link below and get started.

YOU CAN DO IT.

NOELIA: AVENTURAS DE SEU PAI NA ALDEA

Creo que ninguén dubida de que a infancia na aldea permite unha liberdade impensable na cidade. O pai de Noelia e de Cristina aproveitou ben esta circunstancias.
Moi bo traballo e un debuxo mooooi traballado. Precioso, Noelia!

CRISTINA: A LENDA DOS PITIÑOS NO MONTE PEDROSO

O curso pasado descubrimos o interese das lendas e parece que quedaron ganas de máis: a que non sabiades nada destes pitiños que andaban perdidos polo monte Pedroso?
Moi bonita, moi ben contada e con un debuxo fantástico, Cristina!

ANDREA: "O CONTO DO RATIÑO"

Parece que isto de permanecer na casa desperta o mellor de cada un/ unha de vós. Andrea desenvolve a súa mellor faceta na expresión oral ao contarnos este conto, que era o que súa nai lle contaba cando era pequeniña. Parabéns!

ÁLEX VARELA - "O REI ALCE"

Seguimos cos contos do alumnado de 5º A desde as súas casas: Álex Varela contando o conto "O rei alce" desde a súa casa.
Con moita dedicación ao debuxo, aínda que non poidamos velo de cerca, e tamén a contalo.
Grazas por compartilo!

ARCO DA VELLA - ÁLEX E MARTINA

Pero que boa reclusión pasan nesta casa!. Mirade a Álex e a Martina sacando o humor e a creatividade nestas circunstancias difíciles. Moitas grazas tamén ás familias por estas colaboracións que nos animan a todos os demais.
Nunca choveu que non escampara!

CLAUDIA - "O TEU ALIEN"

Claudia, desde a súa casa, tamén quere compartir o seu conto. E espera os vosos comentarios e ánimos polo ben que o fixo!

ALEXANDRA E O UNICORNIO - LARA

Seguimos remexendo nas nosas lembranzas. Hoxe tocoulle a Lara que tén un feixe de expresividade.

"AQUILES, O PUNTIÑO" CONTADO POR ALEJANDRO OTI

Aquí está a primeira colaboración do alumnado de 5º A desde as súas casas: Alejandro Oti contando o conto "Aquiles, o puntiño". 

Como podedes ver fíxoo moooi ben así que espera as vosas opinións e anímavos a que vós tamén participedes.

O coronavirus non vai deixarnos parados!

PROPOSTAS DE AUDICIÓN E LINGUAXE

ACTIVIDADES PARA A CLASE DE BELÉN (AL). DO 16 AO 29 DE MARZO.

-       COMPRENSIÓN LECTORA:

Colle  o libro que esteas lendo e escolle dous capítulos (pode ser un cómic, neste caso escolle dous bloques de 5 páxinas). Agora vas ser ti a profe: tes que inventar 5 preguntas que farías ao teu alumnado sobre ese capítulo (10 en total). 

-       EXPRESIÓN ESCRITA:

Seguro que para a volta ao cole non te vas lembrar de tantas cousas que fixeches! Escríbemo nun diario para poder contarmo. Só precisas nunha libretiña que xa teñas ir poñendo a data e contarme algo guai que fixeras ese día e así compartilo á volta. 

-       EXPRESIÓN ORAL: 

Inventa uns diálogos para a seguinte curta de animación. Se os escribes, mellor! Así poderemos practicalos logo na clase. Pon en youtube: monsterbox, aquí tes a ligazón:  https://www.youtube.com/watch?v=bxPRvKt203U

-       XOGOS COAS LETRAS:

Lembra os xogos que facemos na clase: xogar ao aforcado, palabras encadeadas (por letra ou por sílaba), coller 7 letras e intentar formar todas as palabras posibles,…

-       REPASIÑO:

Se queres facer un repasiño online podes entrar nesta páxina http://www.infantil.librosvivos.net/  e meter o código do teu curso:

2º EP: 132889

3º EP: 113490 ó 116613

4º EP: 113492 ó 116625

5º EP: 120448

·      NOTA PARA AS FAMILIAS: Se precisades máis materiais específicos, queredes máis actividades, recursos TICs ou tendes calquera dúbida, contactade comigo: mariabelensanchezveiga@edu.xunta.gal

Agardo que estedes ben e que nos vexamos moi prontiño! Apertas virtuais!

ACTIVIDADES MÚSICA 5º. SEMANA DO 16 AO 20 DE MARZO

1.- Repasaremos a canción de Treixadura “Se chove” https://www.youtube.com/watch?v=GCltbbXolVQ

Intentade que na casa a escoiten e que aprendan a facer as palmas onde corresponda. Non vos olvidedes de bailar nos fragmentos instrumentais.


2.- Imos ambientar a seguinte paisaxe:

Podemos participar toda a familia. Temos que buscar pola casa obxectos cos que se poidan facer sons para crear efectos sonoros e así dar a sensación de que estamos vendo e escoitando a imaxe. Tamén podemos facer sons coa boca, co corpo,…

4.- Agora traballaremos o ritmo. Temos que facelo sen equivocarnos: https://www.youtube.com/watch?v=vRSJijhRIOs

5.- Por último, vos acordades do ritmo que vimos facer a unha profesora co seu alumno para a marcha Radetzky? Pois agora temos moooito tempo para practicala:https://www.youtube.com/watch?v=C5OREDuZhjM

Espero que as actividades vos gustaran. A semana que ven máis!!!

OBRADOIRO DE COCIÑA: ROSQUILLAS

Este obradoiro é un xeito divertido de traballar a historia, as matemáticas, a lingua... Con este tipo de tarefas non teñen sentido as áreas de coñecemento senón que se produce unha aprendizaxe globalizada e ademais significativa: comprender un texto (a receita) para poder conseguir un produto comestible, facer os cálculos relativos á compra realizada, preparar os ingredientes nas cantidades indicadas, etc.
A experiencia foi magnífica e as rosquillas estaban moooi boas.
Sabiades que este tipo de alimento foi un invento da época romana e popularizouse durante a Idade Media?

ESCONDI-T XOGOS E XOGUETES

O xogo é un dereito e unha necesidade na idade infantil. Tamén é un recurso fantástico para desenvolver múltiples capacidades. Algunhas desas capacidades puxémolas a proba practicando algúns xogos que nos trouxo Sandra, da xoguetería didáctica ESCONDI-T.
Compartimos un tempo moi bonito e... Aínda queda a segunda parte!

A VISITA DE VERO BOQUETE

Aquí quedan as imaxes para o recordo: o traballo feito por todos e asinado pola futbolista, a interesantísima charla que inclúe unha gran dosis de humildade e esforzo e a satisfacción de poder compartir estes momentos.

TELEXORNAL EQUIPO 1

Despois de múltiples problemas coa tecnoloxía publico hoxe o telexornal do equipo 1 que inclúe novas de igualdade e de cine. Magnífico traballo!