DÍA DA CIENCIA 2017

A xornada de onte adicada á celebración do Día da Ciencia resultou marabillosa. Amador Pérez é mestre xubilado e experto en electrónica; recibiu o 2º premio do público na Maker Faire Galicia 2016. Constrúe xoguetes e artiluxios de todo tipo reciclando pezas de pequenos electrodomésticos. 
Ademais de explicarnos os fundamentos científicos para que os seus xoguetes poidan funcionar propón investigar as posibilidades que cada un de nós tén para elaborar as nosas propias pezas.

Rematamos a xornada con unha recreación do Universo coas súas estrelas e galaxias que foi impresionante. Tamén con pezas de elaboración propia usando materiais de refugallo.

Moi importante esta labor de concienciación sobre a posibilidade de reducir consumo e usar a nosa creatividade.
Moitas grazas Amador por compartir con nós o teu bo saber facer. 
(E para quen teña ganas de máis: poderedes velo este venres no Luar da TVG e na Maker Faire Galicia, 25 e 26 de novembro na Cidade da Cultura.

DESPEDIDA DE VERÓNICA RADICE

O venres foi o último día de prácticas de Verónica. Ela é italiana, de Nápoles, e quixo despedirse convidándonos a pizza margarita. Só leva tomate e mozzarella e está riquísima.
Tamén trouxo uns agasallos personalizados que nos encantaron. Moitas grazas Verónica e moita sorte!

COMPOSTAXE NO NOSO COLEXIO

E seguimos avanzando paso a paso no compromiso co noso entorno. Hoxe empezamos a nosa participación nun proxecto moi ilusionante: "Compostaxe nos centros de ensino".
Coa axuda de María e Óscar da asociación ADEGA e a colaboración do concello de Santiago encargarémonos dos traballos precisos para elaborar fertilizante natural a partir dos restos das merendas e das comidas do comedor.
Primeiro falamos da importancia da reciclaxe para reducir residuos e despois axudamos na montaxe e preparación dos composteiros.
Agora teremos que informar ao resto do alumnado do cole para que todos poidan colaborar.

Como podedes ver nas imaxes tamén "estreamos" alumna en prácticas; é alemana e chámase Lorraine. Ningún problema de comunicación e menos nun curso no que xa contamos con alumnado de medio mundo. Benvida!

AS ÁRBORES DO PATIO

Despois de ver Galicia e Portugal ardendo de maneira descontrolada empezamos a escoitar opinións sobre a importancia da flora autóctona para preservar a diversidade que sempre houbo no noso entorno.

Nós xa nos puxemos a traballar desde distintas áreas para coñecer as árbores do noso cole e as súas características. É un bo xeito de averiguar cales son autóctonas e aconsellables para a repoboación nos bosques queimados.
Estamos usando dúas aplicacións (Arbolapp e Pl@antNet) e axudándonos con guías e outros recursos. Non está sendo moi doado pero sí moi interesante e entretido.

A nosa alumna en prácticas Verónica encárgase, xunto coas titoras, de completar este traballo e engadir un novo apartado de vocabulario en italiano ( o seu idioma).

INVENTOS INTERESANTES: O XADREZ

PUBLICADO POR BRAIS PORTOS  

Cóntanse moitas historias sobre o xadrez. Dise que o inventou un sabio indio para divertir ao seu rei, tamén que o creou o xeneral grego Palamedes no ano 1240 a.c. para animar aos soldados.

O antepasado do xadrez chámase chaturanga. É un xogo indio de loita que apareceu no século VI d.C . Xogábase nun taboleiro de 64 casiñas, pero con dados. As súas catro pezas representaban un exército: soldados de infantería, elefantes, tanques e cabaleiros.

No século XVII establecéronse definitivamente as regras do xadrez a partir dese antigo xogo de Guerra.

INVENTOS INTERESANTES: CEPILLO DE DENTES

PUBLICA BRAIS PORTOS

UNHA POLIÑA ENTRE OS DENTES
Os exipcios utilizaban pequenas pólas para limpar os dentes, mordisqueaban a punta e, co puñado de fibras que obtiñan, limpábanse os dentes. Máis adiante, os gregos utilizaron bastonciños de madeira, de óso ou de metal precioso: os primeiros escarbadentes!

CEPILLOS DE PELO DE ANIMAIS 
No século XV, os chineses inventaron o antepasado do cepillo de dentes: un mango de óso dotado con pelos ásperos de xabarín. Este utensilio apareceu por primeira vez en Europa no século XVI.

O LABORATORIO NA AULA

Todos os seres  vivos están formados por células. Podemos diferenciar algunhas delas observando a través do microscopio? Niso andivemos estes días no noso recén inaugurado laboratorio de aula.

FESTA FIN DE CURSO 2016-2017

Estas son as imaxes que nos deparou a xornada de hoxe: moita diversión e convivencia.
Grazas a todas as persoas que fixeron que este curso fose bonito e produtivo para o noso alumnado.
Que teñades unhas magníficas vacacións!

POLA CONTORNA DO COLE

Coa calor e o remate do curso decidimos facer un tempiño extra para debuxar aproveitando as posibilidades que nos ofrece a zona privilexiada na que está o noso cole. E aquí os tedes pintando e tamén xogando un pouco.
O xogo do tren das agachadas foi un remate perfecto e moi, moi divertido!

XOGOS DIVERTIDOS PARA UN DÍA DE CALOR

Este era o día perfecto para estas actividades: clase de Educación Física a última hora e calor a tope.
As imaxes falan do que nos aburrimos hoxe.

ENTREGA DE PIENSO PARA OS GATOS DE VITE!

Hoxe aproveitamos a clase de Ed. en Valores para facer entrega do pienso de gatos dos donativos que recollemos nestes días no cole. Amal actuou de portavoz do grupo e explicoulle a Mª José Carbonell, "activista animal" de ARGO, o traballo realizado desde a súa charla na nosa clase. Foi emocionante para todos/as comprobar a importancia das nosas accións, aínda co pouco tempo que tivemos para esta actividade.

A caixa seguirá no cole para seguir recaudando todo o que vós queirades aportar para os gatos do barrio. E xa atopamos un deles durmindo na nosa casa de gatos!

EXCURSIÓN FIN DE CURSO 2016-2017

Isto foi o que nos deixou a xornada de hoxe na nosa saída didáctica á cidade de A Coruña, coa visita ao Acuario e á Domus. Desculpade pola mala calidade de algunhas imaxes, o que conta é o recordo.

OBRADOIRO COCIÑA RUSO-CARIBEÑA

O obradoiro de hoxe consistía en elaborar un dos dous platos elixidos (blinnis - gastronomía rusa/ plátanos en tentación - gastronomía caribeña) seguindo unha receita. 

Debían facelo en equipo e solucionando as dúbidas de interpretación da reeita, problemas técnicos, etc. E, por suposto, o resultado final debía ser comestible.

As profes confiamos no noso alumnado e axudamos o mínimo.

Todo funcionou á perfección!

ESCOLA DE BÁDMINTON COMPOSTELA

Estas son as imaxes da xornada que poidemos compartir con Xoel e Adrián da Escola de Bádminton Compostela. Os seus golpeos levantaron o entusiasmo de todos e animaron a seguir traballando para mellorar.
A ver se en vindeiros cursos podemos contar con este deporte dentro das actividades extraescolares.

A COMPRA NO GADIS

Estas son as imaxes da visita ao Gadis para facer a compra para a nosa receita ruso-caribeña. Ben organizados coa súa lista da compra, comprobando prezos, composición dos produtos para evitar gluten, lactosa e azucre, axustándose ao presuposto...
Impecable actuación e boísima acollida por parte das traballadoras da tenda que incluíu premio: camiseta do Depor ou do Celta!

O AEROXERADOR DE "LÚA CHEA"

Idalina, Manuel, carlos, Rodrigo e Yago traballaron así de ben. Tamén tuvemos a sorte de contar con algún manitas nas familias que nos fixeron todo un pouco máis doado. E os nenos, á súa vez, puideron compartir cos outros equipos as solucións a certos problemas técnicos.

O bo deste concurso é que non temos que entregar os traballos feitos, só as fotos e vídeos do proceso.
Bravo por vós e polo voso entusiasmo!

O AEROXERADOR DOS "GUERREIROS ESPACIAIS"

O equipo formado por Brais Portos, Carla, Luis, Airas e Victoria traballaron a fondo para facer o seu rañaceos con aeroxerador incluído.
Aquí podedes ver o seu traballo do que se senten ben orgullosos/as.
Grazas polo voso esforzo!

O AEROXERADOR DOS "ENERXÉTICOS"

Con moito entusiasmo e solucionando múltiples problemas, algúns con axuda familiar chegou tamén a meta este equipo. A axudiña final foi moi apreciada pola premura do tempo e ademais polos detalles  preciosos que podedes ver: a pila dentro dunha caixiña e a lámpada.

Grazas a todos e todas polo voso esforzo!

O AEROXERADOR DE "ENERXÍA SIDERAL"

Este equipo formado por Alén, Yam, Sara Elisa, Fabrizio e Anxo quixo inspirarse en Jules Verne e a estética steam punk para a súa creación. Moita imaxinación e un bo traballo, repartindo tarefas e axudándose uns a outros. Utilizaron cartóns e botellas de leite, materiais moi lixeiros e doados de atopar. Pegalos resultou ser todo un reto debido, sobre todo, á súa superficie deformada.

A montaxe do motor e resolución de diferentes problemas loxísticos resultou un reto pero tamén moi motivador.

Outro traballo moi ben resolto. Parabéns equipo!

Preme na foto para ver a presentación

O AEROXERADOR DO "NAUTILUS"

Bruno, Antón, Sara Míguez, Diego e Chano remataron o traballo e así de satisfeitos estaban ao remate. 

Rechearon as latas de bebidas con pedriñas, uniron con cemento, buscaron a maneira de equilibrar os materiais reciclados co  motor aportado pola empresa e non perder de vista o sentido estético.

Tiveron que superar múltiples problemas que foron resolvendo por sí mesmos o buscando algunha axudiña ou suxestión. moi poucas. O caso é que o trebello funciona a pesar de que non houbo posibilidade de repoñer unha peza, a peza, defectuosa.

Parabéns para este equipazo polo traballo tan coordinado que conseguiron levar a cabo durante estes días e tamén polo resultado!

A TENDA DOS LARETAS REABRE AS SÚAS PORTAS

A tenda dos Laretas está a pleno rendemento con grandes ofertas, descontos e promocións para atraer ao público.
Este ano dispoñemos de melloras como a entrega de albarán en cada compra, que permite comprobar, reclamar, facer cambios, etc.

ARGO - ASOCIACIÓN POLA PROTECCIÓN DOS ANIMAIS

ARGO é unha asociación que axuda en Santiago aos animais que o necesitan: recollelos na rúa, esterilizalos, curalos, acollelos en fogares de adopción... Todo isto é moito máis coa colaboración de persoas voluntarias como Mª José Carbonell, a nai de Rodrigo, que estivo hoxe con nós para explicarnos este labor tan necesario e transmitirnos as posibilidades que todos e todas temos para poder colaborar na protección dos animais:
- Facer donativos en metálico e incluso de libros, xoguetes e calquera obxecto que poidan vender nos mercadiños solidarios que fan na Praza do Toural os sábados.
- Actuar cando atopamos un animal abandonado.
- Colaborar como  fogar de acollida ou adoptando un animal.
- Donar medicamentos sobrantes a través dos veterinarios.
- Axudar no coidado dos gatos da rúa con auga, pienso, etc.

Moitísimas grazas polo traballo que facedes a diario e por compartir esta xornada con nós.

ÁFRICA

Fabien, o pai de Samuel de 4º, e o seu amigo Lalo organizaron unha xornada marabillosa para o alumnado de 3º, 4º, 5º e 6º de EP.
Fixeron unha presentación de imaxes para ver os contrastes existentes en África e que nos fixeron ampliar a visión que temos dese gran continente: zonas áridas e sabanas, cidades e aldeas, pobreza e luxo....
Cantamos e bailamos e finalmente saboreamos plátano frito e buñuelos de plátano que Fabien cociñou para nós. Estaba todo boísimo.
Despois do recreo, e xa só para o alumnado de 5º, sesión de capoeira no pavillón con Fabien e os profesores e alumnado avanzado da escola de capoeira IANDÊ. Explicáronnos que inicialmente a capoeira era unha defensa dos escravos pero agora xa é un deporte. Trouxeron un birimbao (instrumento artesanal feito con madeira e unha cabaza) e un pandeiro. Cantamos e practicamos algúns exercicios básicos e moi divertidos.

Gracias Fabien, Lalo e escola Iandê Capoeira!

A VESPA VELUTINA

Hoxe tivemos a ocasión de observar niño (o que quedaba del) que estaba formando unha vespa velutina raiña. Nel había unha pequena colmea con 2 crías, varias larvas e ovos. Aproveitamos para coñecer un pouco máis sobre a aparición desta especie asiática en Galicia e os efectos negativos que están a producir entre as nosas abellas.

"CONTOS REVOLTOS" - O REI DO ESPAZO

O Rei do espazo é o título do conto que traballamos para celebrar o Día do Libro 2017.
As aventuras de Rex, que vive nunha granza de vacas galácticas, que vai a unha escola galáctica e que constrúe unha nave lanzacacas que finalmente transforma nunha nave lanzanatillas.

O equipo estivo formado polos alumnos/as de EP e EI  Gael, Carla, Julio, Sabela, Ana Clara, Mari, Anxo, Martina, Sergio e Noa e coordinado pola profe Carmela.

Despois de ler o conto, coa participación de todos/as, fixemos unha bonita ilustración.

A experiencia foi moi interesante aínda que o tempo resultou escaso.