OS MITOS DO AMOR ROMÁNTICO

Estas son as portadas dos "discos ficticios" que fixemos no obradoiro de coeducación con Sandra e Iria de Educultoras. O alumnado analizou textos de cancións ben coñecidas e cambiaron as letras eliminado aspectos de posesión ou dependencia nas relacións de parella. Un primeiro paso de cara a unha verdadeira coeducación.

COMO ACTÚAN AS FORZAS SOBRE A MATERIA?

Diego, Bruno, Candela, Brais Portos e Alén realizaron unha experiencia moi interesante para explicar   o que ocorre cando aplicamos unha forza sobre un obxecto e como ese comportamento varía dependendo de distintas circustancias. Falaron da forza da gravidade, da forza de rozamento, do movemento ou a deformación que pode sufrir un obxecto cando sobre el actúa unha ou máis forza...
Moi ben equipo!

A MASA, O VOLUME E A DENSIDADE: PROPIEDADES DA MATERIA

Victoria e Brais Espiña quedaron sen a metade do seu equipo pero apañáronse moi ben para medir volumes, masas e facer as súas hipótesis que expliquen o comportamento do aceite, o mel e o deterxente de lavar a louza cando os introducimos nun mesmo recipiente. Tiveron que usar todo tipo de instrumentos (báscula, probeta, embudo, varilla de axitar...) e estratexias para calcular. Moi bo traballo e moi boa recepción por parte dos seus compañeiros e compañeiras.

TALLER CIENCIAS: DENSIDADE E FLOTABILIDADE

Esta sinxela experiencia realizada e presentada hoxe por Carla, Chano, Aidan e Carlos axudou a comprender mellor o concepto de densidade da materia e o motivo de que algúns corpos floten.
Por que unha bóla de plastilina non flota na auga e un barco feito con esa mesma cantidade de plastilina si o fai?
Por que un ovo se afunde na auga pero flota en auga con sal?

TALLER CIENCIAS: COMO SE COMPORTAN OS GASES?

Manuel, Anxo, Yago e Sara Elisa (equipo 5) propuxeron hoxe unha sinxela maneira para comprobar a expansión  dos gases. Unha barriña de incienso  queimándose dentro dunha botella, tapar todo o que sexa posible e... O gas que se desprende desta combustión vai enchendo a botella. Tamén podemos percibir o cheiro do incenso desde distintos lugares da aula. A mobilidade das moléculas en estado gasoso explica estes feitos e os alumnos/as do equipo souberon expoñelo moi ben para os seus compañeiros/as.

MEDIA LARANXA OU LARANXA ENTEIRA?

O 8 de marzo celébrase o Día da Muller Traballadora. No noso centro organizamos uns obradoiros de Coeducación coa participación de Iria e Sandra, de Educultoras.
A actividade ""Os mitos do amor romántico: media laranxa ou laranxa enteira?" levounos á reflexión e debate a partir de coñecidas cancións. As letras esconden, en moitas ocasións, aspectos negativos no referente ao que deben ser as relacións. 
Cada equipo de traballo tivo que intentar atopar eses mitos para transformar os textos cambiando o seu enfoque. 
Interesante actividade!

VIVA O ENTROIDO!!!!

Este ano, os nenos e nenas de 5º, decidiron disfrazarse seguindo a moda steampunk, de científicos tolos ou de personaxes das obras de Xulio Verne, en relación á temática anual en torno á obra deste escritor. Unha vez máis, temos que agradecer ás familias a súa implicación tanto na elaboración dos disfraces como na participación no desfile. Moitas grazas a todos!

A NOSA NAVE

Xa vai tomando forma!

INSPIRÁMONOS CON XULIO VERNE

Xulio Verne protagoniza unha grande parte do traballo que facemos no colexio durante todo o curso escolar.
Nas clases de Plástica estamos intentando crear algún artiluxio que ben poidera aparecer en calquera das súas obras literarias: máquinas do tempo, vehículos, ... Ata un apartamento espacial!

E tamén estamos a tope coa nave que nos leve da Terra á Lúa, con dúas persoas encargadas de coordinar o traballo (Idalina e Chano son os reponsables de introducir melloras coas aportacións do grupo).
Todas e todos estamos desexando rematar para incorporala á decoración do corredor da entrada!

XII TORNEO ESCOLAR DE BRILÉ

Estes días o patio de recreo está moi caldeado coa celebración do noso tradicional campionato de brilé. Estes son algúns dos compoñentes dos equipos NEMO e LÚA, preparados para enfrontarse. 

Que non falte o xogo nas vidas dos peques!

LUISA, QUERÉMOSTE

Idalina, Carla e  Candela prepararon esta sorpresa para Luisa no día do seu aniversario.

A TERRA, O NOSO PLANETA - 5º ED. PRIMARIA

Anxo, Sara Elisa, Yago e Manuel traballaron moi organizados no equipo para buscar información e elaborar este documento para aprender un pouco máis do tema e transmitirlles aos demais curiosidades sobre o noso planeta. Notouse a boa coordinación na magnífica exposición que fixeron... A pesar dos nervios previos dalgúns!

A terra, o noso planeta from Carmela Rodríguez

O SISTEMA SOLAR - 5º ED. PRIMARIA

Brais Portos, Carla, Carlos e Chano traballaron moito para elaborar este documento con ComicLife para ipad. Usaron diversas fontes de consulta para seleccionar e redactar os textos dun xeito ordenado, coherente e entendible. Finalmente conseguírono e fixeron unha presentación fantástica para os seus compañeiros e compañeiras. Parabéns polo voso traballo!

O sistema solar from Carmela Rodríguez

O UNIVERSO - IMAXE INTERACTIVA

Empezamos a publicación dos traballos feitos polos equipos de traballo de 5º.
Candela, Diego, Aidan, Bruno e Alén traballaron coa aplicación ThingLink para ipad e hoxe fixeron a presentación para os seus compañeiros/as de clase. Captaron a atención do público e tiveron que contestar múltiples preguntas. Moi ben rapaces e rapaza!

O HOME DO SACO

Seguimos contando coa colaboración das nosas queridas nais. Nesta ocasión, María Gigirey, veunos contar unha historia do Home do Saco. Quen non se meteu algunha vez debaixo das sabas sen asomar sequera unha man pensando neste personaxe? Moitas grazas, Mari.

PARABÉNS

Despois de estar pelexando co meu ordenador durante todo o Nadal e xa superados os problemas tecnolóxicos, empezo a miña andaina neste blog felicitando a todos e todas as que cumpriron anos durante o primeiro trimestre: Chano, Candela, Manuel, Fabrizio, Brais, Luis, Rodrigo e Carmela.
Parabéns e que cumprades moitos máis.

KYE KYE KULE

Vídeo do final do festival de Nadal 2016. Os nenos e nenas de 6º gozan compartindo este ritmo africano con todos/as os/as asistentes.

"A VERDADEIRA HISTORIA DE CARAPUCHIÑA VERMELLA"

Aquí vos deixo o vídeo, sen editar, da representación que fixo o alumnado de quinto no festival de Nadal 2016. "A verdadeira historia de Carapuchiña Vermella" resultou ser unha divertida obra teatral que deleitou a pequenos e maiores.
Moi ben por estes rapaces e rapazas. Tamén parabéns para Tomé e Sandra, que colaboraron na elaboración dos magníficos decorados e para a profe Luisa que conseguíu ver sobre o escenario os froitos do seu traballo.

CONCERTO DE ANO NOVO: "MARCHA RADETZSKY"

O alumnado de 5º participou no festival de Nadal coreografiando esta composición de Johan Strauss, famosísima por ser interpretada cada ano como remate do concerto de ano novo en Viena.

COMPARTINDO CIENCIA

Rematamos a "Semana da Ciencia en Galego" levando as nosas experiencias aos compañeiros/as doutras clases (1º, 2º, 3º e 4º) e incluso ao patio do recreo. Estas son as imaxes que nos quedan da experiencia.

COMPARTIMOS CIENCIA NOUTRAS AULAS on PhotoPeach

CIENCIA NA AULA DE QUINTO

O mes de novembro é o mes que adicamos a traballar a ciencia en galego. Empezamos coa  magnífica xornada do día 14, adicada á Química. Podedes ver o vídeo en leriasdevite.

Durante esta semana levamos á práctica 3 experiencias moi variadas, todas elas relacionadas con Jules Verne e 3 dos seus títulos ("Vinte mil leguas de viaxe submarina", "A volta ao mundo en 80 días" e "Da Terra á Lúa").
Por que o Nautilus podía submerxirxe no mar e saír á superficie? Como está construída a Torre Eiffel e outros edificios altos de todo o mundo para que se manteñan en pé? Como pode subir unha nave ao espacio?
 Nos vindeiros días compartiremos a nosa aprendizaxe con nenos e nenas doutros cursos.

AS RESPOSTAS QUE NOS DA A CIENCIA

O comportamento dos fluídos, as reaccións químicas, os ácidos e as bases, as densidades... Estes e outros moitos conceptos manexaron os nosos nenos e nenas coa dirección de María, Raquel, Miguel e Jorge (membros da Asociación Xuvenil Galega de Química).
Tiveron a oportunidade de comprender e/ou facer o seguinte: descifrar mensaxes segredas, que facer cando temos acidez de estómago, fabricar neve artificial para a nosa árbore navideña, preparar de xeito ben doado as "esterificacións" que vemos en Master Chef, facer un semáforo de moitas cores usando fluídos de distintas densidades, inflar un globo aproveitando as burbullas dunha reacción química...
Foi unha sesión moi didáctica. Mágoa de non ter máis tempo!

OBRADOIROS DE QUÍMICA

O luns poderemos exercer de científicos. Será nos obradoiros que nos presentarán os membros da Sociedade Xuvenil Galega de Química. Un total de 5 experiencias diferentes nas que poderemos participar en pequenos grupos.

DÍA DO PEÓN 2016

O venres lembrade traer os mellores ánimos para lanzar os vosos trompos e que bailen sen parar! Se chove estaremos no pavillón e se fai bo estaremos na pista de arriba.

EMPEZAMOS A APRENDER CON JULES VERNE

Estas son algunhas imaxes das actividades que estamos a facer a partir da obra de Jules Verne co alumnado de 5º.
Para empezar a lectura de varios dos seus libros, a busca de información para "viaxar" cos seus protagonistas e a participación na ambientación do cole.

AMORIÑOS COLLÍN

O alumnado de 5º EP interpretando "Amoriños Collín", baixo a batuta da profe Sandra.

ENTREGA DE PREMIOS BRILÉ 2016

Rematou o torneo de brilé 2016 con grande éxito de participación e, o millor de todo, sen incidencias graves. Seguindo as bases do mesmo, todos os equipos participantes gañaron un premio (ademais do diploma de participación).

XI TORNEO ESCOLAR DE BRILÉ (XANEIRO – ABRIL 2016) - RESUMO FINAL

OURENSE     1º

PORTELA     2º

LUGO            3º

CORUÑA      4º

SANTIAGO   5º

VIGO             6º

Parabéns para o alumnado participante e para as alumnas - axudantes, que estiveron cada día coidando de que todo saíse ben.

ENTREGA DE PREMIOS BRILÉ 16 on PhotoPeach

REMIX DE ACTIVIDADES EN IMAXES 6º EP

ALGUNHAS ACTIVIDADES DE ABRIL-6ºEP

DÍA DO PEÓN 2015

Estes días estamos practicando cos nosos trompos para perfeccionar a técnica. O mércores estaremos a tope durante o recreo para celebrar o Día do Peón 2015.
Estas son imaxes e vídeos recollidos na clase de EF o venres.

Samaín

Lembrade que dentro destas actividades NON hai nada nin programado nin referido a vir disfrazados, así que solicitamos que NON o fagades mañán!

Aproveitamos para lembrarvos que os días venres 30 de Outubro e luns 2 de Novembro son NON LECTIVOS.

Mural

Material principio de curso

Ante as dúbidas que expresáchedes sobre o material de inicio de curso informamos que a vindeira semana todos os niveis terán un listado completo deste. Coma sempre podedes ir traendo o típico estoxo de superheroes ou a mochila do equipo de baloncesto co material clásico: lapis, goma, afiador, ceras... Todo o demais, como carpetas, portafolios, libretas será solicitado a vindeira semana.

Gracias pola vosa paciencia. Vémonos o luns.

Reunión Importante

O Claustro do CEIP de Vite solicita a presenza de todas a familias.

LUGAR: Salón de Actos do colexio

DATA: Mércores 9 de setembro

HORA: 18:30

Informarase a toda a Comunidade Educativa do CEIP de Vite da grave problemática de inicio do curso 2015-16.

(Para axilizar a reunión pregamos que só veñan pais, nais e titores legais).

O Claustro.

CARREIRA DE OREINTACIÓN

Estas son algunhas imaxes recollidas durante as carreiras de orientación en equipo realizadas na clase de Ed. Física esta semana. Percorreron todo o entorno do centro para atopar as balizas de sinalización e completar o percorrido trazado no plano.

AS CINCO SECUENCIAS - 5º

 Varios equipos, cinco esceas cada un deles. Que representan?

SECUENCIAS-5º from Carmela Rodríguez on Vimeo.

EDUCACIÓN FÍSICA: FOTOS DE GRUPO

Esta é a mostra do traballo de expresión corporal que fixemos na clase de onte.

AS CINCO SECUENCIAS 6º

Déixovos esta presentación cunha mostra da actividade de expresión corporal realizada a semana pasada na clase de Educación Física.

EDUCACIÓN VIAL

Estas son as imaxes da actividade na que participaron hoxe os nenos e nenas de 5º e 6º: un "contacontos musical" na que repasaron algunhas normas de circulación ademais de desfrutar cantando a todo volume.

OBRADOIRO DE EMOCIÓNS

Estas son as fotos que fixen ao alumnado de 5º con motivo da participación nun obradoiro de emocións no edificio de Abanca da Rúa do Vilar.

ENTREGA DE AGASALLOS DO X TORNEO DE BRILÉ

A X edición do torneo de brilé rematou coa entrega de agasallos a todos os equipos souberon xogar resolvendo pacificamente os conflitos. Tamén recibiron agasallo as catro nenas de 5 que desempeñaron o labor de axudantes de maneira moi eficaz.

FESTIVAL NADAL TARDE E VISITA Á AULA DAS SSMM OS REIS MAGOS

Como o prometido é débeda, aquí tedes a vosa actuación no festival de nadal da tarde. Engadín tamén algunha foto da visita dos Reis Magos á nosa aula.

Festival de Nadal: o circo da vida.

Ola a todos: déixovos a actuación que fixeron, pola mañá, os vosos fillos e fillas no festival de nadal. Boas festas a todos e Feliz Ano!

XOGANDO AO CINE EN EDUCACIÓN FÍSICA

Hoxe, na clase de Ed. Física de quinto, tocaba xogo libre. Algúns nenos e nenas quixeron adicar ese tempo a facer un pequeno trailer de cine, coa axuda dos ipads (aplicación IMOVIE).
Só dispuxeron duns 35 /40 minuntos así que non podemos pedir moito máis.

NADHIFA EN INDONESIA

Nadhifa tivo que regresar ao seu país, Indonesia, e desde alí mandounos un correo electrónico con estas fotos na quer aparece na compaña dos seus amigos e profes.

ANACOS DE ACTIVIDADES DO PRIMEIRO TRIMESTRE

Deixámosvos unhas imaxes dalgunhas das  actividades que realizamos no primeiro trimestre.

O PEÓN: XOGOS E TRUCOS

Déixovos este vídeo feito coa colaboración da maioría do alumnado de 5º e 6º, como traballo da área de Ed. Física.

OS MONITORES E MONITORAS DOS XOGOS TRADICIONAIS

Durante os recreos dos luns e xoves (máis outros días que eles teñan ganas) a maioría do alumnado de 5º e algúns de 6º estarán polo patio lucindo os seus petos laranxas de MONITOR/A.
Xa empezaron coa súa función de xogar con outros nenos e nenas de diferentes idades para ir transmitindo, de xeito oral todos aqueles coñecementos sobre xogos tradicionais que eles xa teñen.

VITE INFORMA DE 6º

Como sabedes, durante este curso estivemos levando a cabo unha iniciativa, a nivel de centro, promovida polo equipo TIC. Trátase dun programa informativo no que foron participando diversos grupos.
Déixovos aquí o programa realizado polo alumnado de 6º.

IMAXES DALGUNHAS ACTIVIDADES DO MES DE MAIO

Déixovos algunhas imaxes dalgunhas das últimas actividades que fixemos, individualmente, ou con compañeiros do colexio:
- Festival das Letras Galegas.
- Obradoiro de Escrita Creativa.
- Obradoiro de Reciclaxe.

CORRELINGUA 2014

Unha pequena mostra, en imaxes, da actividade realizada en Correlingua no día de hoxe.

FIN DO TORNEO DE BRILÉ 2014

Estas son as fotos da entrega de agasallos do torneo de brilé deste ano. Non están todos/as os que xogaron porque só 4 equipos acadaron "trofeo" (3 equipos máis tiveron penalizacións por non axustarse estrictamente ás normas do torneo: solución pacífica dos conflitos. Outra vez será.

Parabéns para todos os gañadores/as e os xogadores/as dos outros equipos que souberon participar con limpeza e compañeirismo no xogo e que conseguiron o seu diploma. Tamén para as tres axudantes colaboradoras (Bea de 5º e Paula e María de 3º) polo seu magnífico traballo.

BRILÉ 2014 on PhotoPeach

SESIÓN DE TRABALLO CO ESCRITOR ANTONIO MANUEL FRAGA

O xoves, 13 de marzo, os alumnos do 3º ciclo, tivemos unha sesión de traballo, na biblioteca do centro, co escritor Antonio Manuel Fraga, autor de “O Castañeiro de Abril”. Ao longo deste segundo trimestre lemos e fixemos actividades con este libro.

O libro trata dun zapateiro, chamado Buto, que conta a historia do seu amigo Baltasar, un rapaz de once anos, cego de nacemento e orfo de nai, que vive coas súas tías, Olegaria e Berenguela, dúas xemelgas moi antipáticas e un pouco malvadas. Acompañado do seu can, Barriga Branca, Baltasar vende na praza dos Zoqueiros soldadiños e bailarinas de madeira. O seu obxectivo é reencontrase co seu pai...

A sesión co escritor estivo moi interesante: falamos do libro, preguntámoslle dúbidas, coñecemos un pouco máis da súa vida, asinounos os libros, fixémoslle un pequeno agasallo como lembranza do seu paso polo colexio, etc.

Dende esta páxina queremos darlle as grazas! Gustounos moito e resultou moi educativa.

Deixámosvos unha presentación, en imaxes, da actividade.

IMAXES DE ENTROIDO. XUÍZO E TESTAMENTO DO MECO

Deixovos unha pequena mostra da actividade desenvolta no venres de Entroido. Tamén tedes incluído o vídeo co xuízo e testamento do Meco. A disfrutar do merecido descanso!

OBRADOIRO DE CARETAS-2ª PARTE

Aí vai a segunda parte do proceso e o resultado do obradoiro de caretas. Que vos guste!

INICIAMOS AS ACTIVIDADES DO ENTROIDO

Na semana pasada empezamos a realizar actividades relacionadas coa festa do Entroido.

Cos compañeiros de 5º fixemos un mural no que disfrazamos.....? Iso é o que vos toca adiviñar!

Tamén, con persoal de Urbana Norte, empezamos a facer máscaras venecianas, que na semana que ven pintaremos. Aí van unhas imaxes das actividades. Que vos gusten!

VISITA AOS MUSEOS CIENTÍFICOS CORUÑESES

Unha pequena mostra do que poidemos disfrutar na saída aos Museos Científicos Coruñeses o martes 18 de febreiro.

O PASO PARA O IES

CHARLA-COLOQUIO CO DIRECTOR E ORIENTADORA DO IES XELMÍREZ II COS ALUMNOS DE 6º DE E.P.

             O mércores 12 de febreiro, á volta do recreo, tivemos unha sesión de traballo co Director (José Luís) e a Orientadora (Cruz), do IES Xelmírez II, na nosa aula.

     Ademais de facer un percorrido virtual polo centro, mediante imáxenes, estivéronnos explicando o que nos vai supoñer o traslado a ese centro: a nivel de horarios, profesorado, áreas/asignaturas, normas, medios,....

     Nós fixemos, para o día seguinte, unha pequena reflexión do que teriamos que cambiar, ou mellorar, para levar a bo termo os nosos estudos.

Uns máis, outros, menos, pero apuntamos, sintetizadas, ideas como:

• “Teño que mellorar no comportamento, non facer o tonto e deixar de xogar na clase”.
• “Teño que cambiar o ritmo de traballo, atender máis nas clases, e non facer o tonto nin o lacazán”.
•   “Debería de estudar máis, repasar as cousas e volvelas a ler, nos exames ler as preguntas máis dunha vez e repasalos... e estudar máis”
•  “Debería facer máis e esforzarme máis”.
• “Se teño algunha dúbida, pregunatr e non calar, atender ás explicacións, traballar con bo ritmo, fixarme máis na escrita, intentar non deixar as tarefas para o último día e non deixar cousas sen facer”
•  “Debo cambiar a miña forma de traballar e aínda prestar máis atención”.
• “Debería mellorar o meu comportamento, estar máis atento nas clases, charlas, saídas..., facer as actividades que me mandan e ser máis independente á hora de facelas. Pero penso que non son o suficientemente maduro para pasar para o IES”.
• "debería escribir máis rápido, estar máis atento, presentar mellor os traballos e facelos todos, ler moitísimo máis e estudar, cada día, o que nos vaian explicando".
• "Considero que teño que mellorar a letra, facer rápido as actividades, fixarme cando copio os enunciados, releer as actividades cando as acabo e esforzarme máis en todo".

REFLEXIÓN DA TITORA:

Creo que tedes claro o que tedes que facer cada quen. Eu estou de acordo coas ideas que apuntades. Algunhas precisan que transcorra tempo pero, outras,….. que vos parece se xa empezamos a poñelas en práctica? 

Se empezades agora, non credes que xa tedes moito camiño andado?

ANÍMOVOS A INTENTALO XA!   

A POR TODAS CHICOS E CHICAS!!!!

CONCERTO DIDÁCTICO NO TEATRO PRINCIPAL

RITMOS IBÉRICOS NO TEATRO PRINCIPAL CO GRUPO DE PERCUSIÓN ODAIKO E A BANDA MUNICIPAL

O luns, día 10, fomos os alumnos de 5º e 6º de EP ao Salón Teatro, a participar nun espectáculo do grupo Odaiko e a banda Municipal de Santiago.

Narraron a historia dun grupo de percusionistas que se foron de viaxe por diferentes puntos da xeografía. En cada cidade ou CCAA que paraban, sempre se encontraban con algo que lles animaba a poñerse a tocar. Por iso poidemos escoitar e facer nós tamén ritmo co nosos corpo de música moi variada: muiñeiras, sevillanas, marcha militar, samba, etc.

Gustounos moito porque foi moi participativo, ameno, e “marchoso”.

Deixamos unhas imaxes, algunhas con ritmo!

OBRADOIRO DE ALIMENTACIÓN

Unha mostra, en imaxes, do traballo desenvolto no obradoiro. 

CONCERTO NO AUDITORIO DE GALICIA

Os do terceiro ciclo iniciamos as actividades complementarias dos 2º trimestre asistindo a un concerto da Orquestra Xoven da Real Filharmonía de Galicia o día 24 de xaneiro.

 Foi a primeira vez que asistimos a un concerto de músicos tan novos e en tan grande número. Había moitísimos músicos.  A maioría dos instrumentos eran de corda e de vento.Foi moi diferente a todos aos que asistimos.

 Ímosvolo contar: unha rapaza estaba sentada, nunha esquina do escenario, e ía lendo un diario dunha moza, estudante de conservatorio. Cada vez que lía un anaco, e tendo en conta o que transmitía, os músicos interpretaban unha peza. A moza, que se namorou dun compañeiro, soñaba con viaxes a distintos países e a orquestra interpretaba as pezas acordes cos seus soños. Ao final, iso fíxose realidade!

 Gustounos moito e resultounos moi entretido!

Deixámosvos unhas imaxes.

(Chicas e chicos de 6º de E.P.)

CONTA CONTOS DA EDITORIAL VICENS VIVES

            O venres 17 de xaneiro fomos ao salón de actos, xunto cos compañeiros de 4º e 5º para participar nunha actividade de conta contos ofertada pola editorial Vicens- Vices.

Desta editorial leramos no primeiro trimestre a obra “Noiteboa de Pantasmas” que nos gustou moito. Os contos non tiñan relación con este libro pero tamén nos gustaron moito e ademais foron moi entretidos.

Ao entrar vimos unha mesa tapada cun pano negro e enriba un cesto. Pareceunos que non había ninguén pero si que había: a conta contos estaba agochada debaixo da mesa.

            O primeiro conto tratou dun mozo que foi pasear  a un bosque e veu pasar unha rapaza moi fermosa. Prendouse dela. Ao día seguinte volveu ao mesmo sitio e volveu a pasar a moza. Miráronse e.... así foron pasando os días ata que, un día, o mozo foi quen de falarlle. Namoráronse e decidiron casarse pero a moza púxolle como condición que nunca podería abrir o cesto para mirar o que había dentro.

E así foi, casaron, eran moi felices pero un día que el quedou na casa porque estaba enfermo e, a muller si saíu, el non puido resistir a tentación de abrir o cesto. Botou grandes gargalladas ao comprobar que estaba baleiro. Nese momento a muller notou como se lle partía o corazón. Ao chegar a muller á casa axitouno e soou como se estivera cheo de cousas. A muller, decepcionada, marchou e nunca máis se volveu a saber dela.

CONCLUSIÓNS QUE SACAMOS:

* Aínda que non poidamos ver algunha cousa non quere dicir que non exista

* Non todas as persoas son como aparentan.

* Nunca, pero nunca, debemos romper as promesas.

    O segundo tratou de dúas tartarugas que se namoraron e casaron. Ela sempre estaba na casa mentres el ía pescar. Como se aburría, ao cabo dun tempo, foille pedindo algunha cousa: pinturas…. El mercáballe un cadro xa feito; unha partitura ou unha frauta.... el mercáballe un equipo de musica, etc. Cada cousa que lle levaba íalla atando enriba da cuncha, de xeito que chegou un momento en que xa case non se podía mover. Pensando, pensando, decidiu saír da cunha e empezar a facer cousas. E así o fixo: brincaba, bailaba, pintaba... Ata que un día decidiu fuxir e outras tartarugas decidiron facer o mesmo.

CONCLUSIÓNS QUE SACAMOS:

* Debemos respectar as ideas dos demais, dos compañeiros para que sexan os nosos amigos.

* As persoas teñen que ser libres, independentemente do sexo.

            O terceiro conto tratou dunha señora que ía para o mercado a vender mel pero tropezou, e caeulle todo ao chan. Púxose a chorar e dicía: “Papá Deus, Papá Deus, porque me traes tanta desgraza?

Un mono observou a escena e, ao marchar a señora, probouno e gustoulle. Pensou que a desgraza era o mel e polo tanto que a desgraza era algo delicioso.

Foi xunto a Papá Deus a pedirlle toda a desgraza do mundo. Deulle un saco e díxolle que o fose a abrir ao medio do deserto. A sorpresa foi que del saíron uns cans famentos... O mono empezou a correr diante deles, dando voltas, e cando xa pensaba que lle chegaba o fin, brotou unha árbore, subiuse a ela e salvouse.

CONCLUSIÓNS QUE SACAMOS:         

* Non todo é o que parece, cando teñamos dúbidas se interpretamos algo ben, debemos preguntar antes de concluír. Co diálogo será mellor a convivencia.

*  Nunca debemos perder a esperanza; sempre hai algunha “man amiga” coa que contar.

(Chicos e chicas de 6º)

REPRESENTANDO PROFESIÓNS: "CUBISMO"

Unha pequena mostra de como os "grandes" artistas de sexto, intentan seguir os pasos dun dos grandes da historia: PABLO PICASSO.

MANS POLA PAZ

Mostra dos lemas e mans pola PAZ.

RECREAMOS O PRIMEIRO TRIMESTRE DO CURSO 2013-2014

MALABARISMO CO PEÓN - ÓSCAR

Con moita práctica e habilidade. Semellaba imposible pero... Hai quen é capaz de bailar o peón dos xeitos máis sorprendentes. Óscar é un crack; a proba está no seguinte vídeo no que aparece facendo xirar o seu trompo enriba dun pé. A ver se no "gran día" é capaz de facelo en directo.

I SEMANA DA CIENCIA EN GALEGO

Celebración no CEIP de Vite I

Na semana do 28 de outubro conmemorouse a “I Semana da Ciencia en Galego”, no CEIP de Vite I.

En todas as aulas realizaron experimentos científicos e posteriormente cada grupo presentoullos a compañeiros; algúns aos do mesmo ciclo e noutros casos, coma a nós, que tamén nos presentaron as súas actividades os de 4º de EP.

Nós traballamos sobre a materia, as súas propiedades e os seus cambios. Elaboramos unha presentación en power point. Traballamos de forma experimental, no laboratorio, para medir a masa e o volume de obxectos e despois poder calcular a súa densidade e comparala coa da auga (flotación), realizamos e observamos cambios físicos e químicos, etc.

Xunto con Álex o de prácticas e a nosa titora montamos nunhas mesas, diante da biblioteca, unha exposición interactiva aberta á comunidade educativa, para realizar diferentes xogos de matemáticas, observar rochas e minerais, diverso material de laboratorio, etc.

Resultounos moi interesante, pasámolo moi ben e aprendemos moito sobre todo cos experimentos.Poñémosvos unhas imaxes desta conmemoración.

 

INICIAMOS A ACTIVIDADE

Benvidos ao novo curso escolar!

Iniciamos as publicacións, aínda que con retraso, comentando algunha das actividades realizadas ata o día de hoxe e que non son meramente escolares. 

O 18 de outubro fomos, cos compañeiros de 5º, ao Auditorio de Galicia, no que poidemos disfrutar da representación da obra "A voz das baleas" de Robert Crumb. Ao principio, os tres músicos participantes, fixeron diferentes demostracións de como os instrumentos empregados, piano, frauta e violonchelo, tocados axeitadamente, imitan sons de animais ou da natureza en xeral.

 Logo xa representaron a peza indicada e, a verdada, gustounos porque foi un concerto diferente.(6º de EP)

SAÍDA FIN DE CURSO A CERCEDA: 3º, 5º E 6º DE E.P.

Aquí tedes unha pequena mostra do que disfrutamos o venres no aquapark de Cerceda (alumnos de 3º, 5º e 6º de E.P.). Non só iso: os compañeiros de 6º de E.P. recolleron o premio por participar e quedar de semifinalistas no concurso Ecopreguntoiro. Bueno, e tamén podemos ver a Edu contando o seu chiste a todo o público presente, jeje.
Roi, o compañeiro de 5º, deunos unha clase de Coñecemento do Medio xa que atopou nunha árbore a unha libélula en pleno proceso metamorfósico: saíndo da crisálida.
Grazas aos compis de 6º por convidarnos a esta actividade!
Resultou xenial!