DÍA DOS MUSEOS NO MUPEGA

O Día Internacional do Museo celébrase en todo o mundo o 18 de maio, co obxectivo de achegar os museos á sociedade e ao público en xeral.

O alumnado de 3º ciclo de EP tivo a sorte de poder participar, xunto coas persoas de AGADEA -Asociación Galega de Enfermidade de Alzheimer-, nunha visita ao MUPEGA (Museo Pedagóxico de Galicia), o xoves 17. Alí compartimos uns momentos entrañables practicando os xogos de sempre e incluso indo á escola que as señoras maiores lembraban e aos nosos nenos foilles moi divertida.
A experiencia compartida foi moi enriquecedora para todas e todos, como se pode apreciar nas fotografías.